THURIN DIK
CASIARTU HNEN AH
[C.1]
Thucah Thupi
Tui na siar dingmi cabu hi thil tampi ah danglamcuangnak a um. Pakhatnak ah,himi hi mi zapi hrang hlawk thluh ding khop in tuah a si hrihlo. Pahnihnak ah, a siartu hmuahhmuah in a sualnak hawl fekfek in a dik theinak ding bik in in bawm ding beiseinak thawn ngan a si. Cun a siartu pawlin hi thu ah a diklonak le Pathian thu, Bible thawn a milaw lomi in remsak ve dingah sawm nan si. A sinan Pathian thu hmangih thleng le rem lawng sian le pom a si. A thu nganmi le cafang thu khalah a sualmi in sim thei a si ahcun a lungawi um zet ding. Pathumnak ahcun, hi ca hi tawp neilo cabu vek si thei dingih beiseinak thawn tuah mi a si. Khrihfa unau hrekkhat in a diklonak le a kalhawknak theifiang cuanglo in an pom satliah theu mi ruah tul thil pakhat a um. Mihrek cun, pawl hrekkhat ih pom le zirhsawngmi rosiah thurin timi kengkawh in hngetzetin an thlun mi a reh zo nan, hmuh ding a um lai tho tho, ziangahtile Pathian minung pawlin an do duhlo theu ruangah a si. Hi cabu hicun an theihfiang a sile an thinlung ah hna a tuan ding. Hi cabu ih tawp ti neilo a sinak san hi thil poi tak a si ih ol-ai zet mi thil khal a si. A hmin men zumtu pawl hrang ahcun cui thurin thu pom duhlonak thinlung cu tawp ti a nei lo ding. A pawlpi in thudik a tan ruangih cuvek thil a cang a si ahcun an zuamnak cu ka fak nasa, a sinan a tamsawn ahcun, khatlam ve ve indikdeuh si ding cuh in uanawknak thinlung an neih veve ahcun elawknak a sosang duhzet.
[C.2]
Thudik ih a neh tikah thudik a tantu cu lungrualnak thinlung a neihter, ziangah tile thudik cupakhat lawng a um thei (Joh.17:17) cule a do awtu in an theihfiang tikah elawknak an ban san ih thuhmunkhat ah an cang sal. Thudik hawlnak ahcun a tlawm hmaisatu in a neh theu. Zirhtu dinhmun in, thudiklo ka zirh ih mi pa khatkhat in a dikmi relsuakin in rem tikah zirhtuthasin le harhvang sinsin mi ah ka cang sawn a si. A sinan thumawi zawngih bumtum awknak le san neilo thu menmen ka pom mei a si ahcun thurin diklo zirhtu ah ka cang ding.
Cangantu a si lole zirhtu mi pakhatkhat in zirhtirnak thu ah, thudik thei thluh vekin a ruataw a si ahcun uarawknak in a khat zo tinak a si. Cuvekin na bomnak ka tul a si. Famkimlo mi, a siawk vekin thudik hawlsuahnak dingah mi pakhatkhat a tul ringring. Curuangah keimai zummi thu ihsin ka zir thawk ve a si. Tucun rongbawl khat kan si vekin a sualmi a um a silekan rem cio a tul a si cu. Ka ruahdan a sualmi a um tikah in hmuh mei dingin zangfah ka lodil; Bawipai hnenah kan thinlung an tonawk theh zo vekin zirhtu tha ah in canter hram aw. Kan rongbawl tlangnak ah 1 Kor.1:10 hi thupi ah hmang uhsi.
1Kor.1:10 Ka u le ka nau tla, nan lak ih thentheknak a umlonak dingah nan thinlung rualawte in um hram uh ti ah kan Bawipa Jesuh Khrih hmin in ka lo dil a si. Rualremzet in, thinlungkhat le tumtahnak bangrep in um uh.
[C.3]
Himi tuanvo lak i bawmtu pawl le pawl dinhmun ihsin hrilhfiah theutu hrekkhat pawl hnen ihralrin peknak tongkam hi thlalang bal sung ihsin casiar vek a si. Hi cangantu ka sinak thu khal ahhin thutak le Thlarau kaihhruainak in ka tuanvo taktak ah ka ruat. Ngansuahmi sungih zirhnak pawl hi Bible sung thu vekin donak phunkim lakah belhciandawl le hngetkhoh mithutak an si ih Pathian hnen ihsin ra mi an si. Hi zirhnak ka nganmi lakah a tlautlan men a um pang a sile thutak silo in a sualmi in diklo ah a canter ih cui a sualmi khal cu keimai mawhphurh liauliau a si. Hi cabu hi a tuldan ih zirin zohthat sal ding a siih a tuldanvek in dikzet ih thleng a theih ko. A diksin theinak dingih na telvenak hmuahhmuah cu a siartu le a zirhsawng tu pawl hrangah a sunglawi zet ding a si. Khrihfa pawl in Pathian ih miphun thianghlim thennak dingah Pathian thu an hman sung ahcun hi cabu hi a tul ringring ding asi. A hnuai ih cahlawm le rintlar tuahmi hi rem tulmi remnak dingah siseh thusuh duh na neih khal a sile hman dingin tuahmi a si. Hi pawl hi kan rak zohsal ih kan cikfel ve theinak ding ah in hmansak hram aw. Tahthimnak a hnuai ih kan pekmi vek hin a ra lang ve ding a si: Tahthimnak: --
-----------------------------------------------
[23.13]
Turual pawl ih taksa lam tulmi le thilri lam tulmi pawl zohtu cu upa (deacon) a si, rawl sisehsinfen le thildang tulmi pawl khal phurrit sawngtu ding a si.
--------------------------------------------------
Hi e-mail address ah in kuat aw: hisservants@juno.com
Pathian Thlarau in thutak hmuahhmuah sungah lo hruai hramseh.
U le nau pawl, hi cabu a tul nawnlo ding ni ka hngakhlap zet. A thupu poizetmi cu, thuzirh nak thar tete pawl hin bung dang pakhat hnu pakhat a tulter bet cingcing ih na zohfel le naremsal tento a tul ding. Pathian sungkua kan si bangin hi kan rongbawltlangnak hin thutak le thinlungkhatnak a suahter sinsin theinak dingah thlaza cam cio uhsi.
Cliff H. James Cangantu/zirhtu