SERSIAM (Maw) DOTCANG
[Creation(or) Evolution]
Hminsin: Cangantui dinhmun theifiang dingin, Casiartu Hnenah timi thu hi siar hmaisa aw.
[ 2.1]
A Tir In
Bible hi " A tir in " tin a hram a thok. Kanmah le kanmah thu kan suhawk dingmi cu "Ziangin / tin thil a ra cang" ti mi a si. Van boruak pi hi ziangtin a rak um thok? A thawhnak kan ti tikah Pathian in ziang tikcu can in hna a rak tuan thok? Cun thil ziangkim hi sersiam an si lai ah anmah te'n um men dingah maw an si, a si lole Pathian in a tir ihsin milai hrangah rem ruah mi a nei maw? Bible ih a sim bangin Pathian cun a tuahmi leilung hi a zohsal tikah langsar/fianter a duh thu kan hmuh ruangah Pathian ih simmi hi kan zumdan cun ,"A tirten Pathian in milai hrangah tumtahmi le ruahsak mi, vaukhan cia mi nei in lei le van a tuah ti hikan pom dan a si.
[2.2]
Bible ih a rak sim vekin leilungpi hi pianzia leh hmuithlam rak nei loin thimnak in tipi cu a rak khuh thluh. Himi thu ah "Thuknak" timi hi Hebrai tong ihsin lehmi a siih "tidai tumpi" ti khia khihhmuh, thimnak ah-- tipithuanthum a si lole leihnuai ihsin suak mi tidai tivek pawl, a si lole thenaw hrihlo mi ti tla a si thei ve (Strong's Heb.8415). Leilung hin pianhmang leh hmuithlam a rak neilo timi hin sawhkhih duhmi a rak nei. Hitawk ih kan hmuh thei mi cu Pathian in ziang ruangah sersiammi leh kulhvel timi tongkam a rak hmang ti hi tulai ah mi tampi'n an theisual theu.
[2.3]
Beltuahtu Le Sentlak
Profet Jeremiah hnenah Pathian in tahthimnak in a relmi kan hmu Jer.18:1-6. 1-Bawipa in, 2-Beltuah tu inn ah vung feh awla cunah thu ka lo sim ding tiah i ti, 3-Curuangah ka vung feh ih Beltuahtu cu a bel tuahnak lengkual thawn 4-Bel a tuah tikah tlak a hlumih a thatlo ahcun bel dang a duhmi ah a tuah sal. 5-Cutikah Bawipa in ka hnenah , 6-Bel tuahtu in tlakin a duhduh a tuah vekin Israel mi nan parah tuah theinak ka nei velo maw si? Tlak cu beltuah tui kut sung ih a um vekin nannih khal ka kut sungah nan um a si, maw Is rael.
[2.4]
Pathian in Amah le mah khi Beltuahtu vek le Israel khi beltuahnak sentlak vekin a tahthim.
Rom 9:20-21 ah kan hmu. 20 A sinan ka rual, cutin Pathian a sawn ngamtu cu zoso na si? Bel in beltuahtu hnenah, "ziangahso hitin i tuah? tiah a sawn dah maw? 21 Thungai in kan ti a sile beltuahtu cun tlak leilung kha a duhduh ih tuah theinak thu a nei:a duh a sile tlak hlomkhat ihsin bel pahnih a tuah thei; pakhat cu tikcu sunglawi hrang ih hman dingah, a dang pakhat cu nitin hman men dingah a tuah a si.
[2.5]
Cun Beltuahtu le sentlak tahthimnak thuhla kan hmu sal. Cumi ah Pathian in Amah khi bel tuahtu hmuhsaknak in a sim. A sinan tuitum ahcun minung cu thuam mi a si thu, sentlak a si thu in sim. Thupuan cabu sungah Jesuh Khrih cu miphun hmuahhmuah pawl tlunah uk tu ding a si thu leh milai hi beltuahtu pai tlakbel vek a si thu in sim leh (Thup.2:27); cun tlakbelcu kuai ngeingei ding a si thu kan hmu. Curuangah hi tahthimnak thu ngaihtuah in Pa- thian ih sersiam hna kan nun ah kan sengluh a sile "sersiam mi" timi hi kan thinlung mit thlam ah fiangzet in a runglang dingih a duhsan khal kan thei thei ding.
[2.6]
Sersiamnak thu vun ngaihtuah hnik uhsi. Pathian cun leilung a zoh tikah milai thuanthu a rak um thawk lai ihsin leilung cun pianhmang a rak neilo. Sentlak hlumpi parih tidai ret vek a rak si. Bel tuahtu pai hrangah hin a thupi mi thil pahnih a um, cu pawl tla cu sentlak leh tidai an si. Hi thil pahnih te hi semsuah lai in an rak um zo. Kan theih dingmi cu leilung lole tidai ti'n tuah hran veve cu an si cuanglo, pakhat le pakhat an rak umtlang hngalh a si. A umtuzia cu beltuahtu pai lengke parih leiphawkhar kai vek thawn a bang aw. Hi thil pawl hi hlan ihsin rak tuahcia mi, umcia thil le Lalpai kutcak hngak ih rak um mi an si.
[2.7]
Leilung Luahkhat
Bible hmundang khalah a tir ihsin sentlak hmansuahnak thu kan hmu hnuaihni, cui pawl cuthilnung pawl tuahthatnak hrangah a hman mi an siih Pathian in a zate cipciar ih simtul a ti lo ih a thup theh hai. Leilung sersiam hlanah ziang a um ti kan theih ahcun cumi hlanah tehziang a um ti kan thei duh thotho ding. Pathian hin a milai pawl hrangah A tuah mi hmuah hmuah cabu in in rak ngansak sehla cui cabu cu leilungpi aiin a tum sawn ding a si. Cuti a sile cui sersiamnak thu cu khuitawk ah in sim? A hnuailam thu pawl hi ruat hnik:
[2.8]
Noah leh a sungpawl cu long ihsin an tum tikah leilung luahkhatsal dingin a sim (Sem.9:1).Leilung luahkhattu dingah Pathian in Adam le a cithlah pawl hnenah a rak sim zo. Noah khal a cithlah mi a si ve. Adam ih cithlah pawl in an rak luahkhat dahzo ruangah luahkhat SAL dingin a fialnak san a si ti kan thei. Pathian in Noah hnenah luahkhat menmen dingin a fial ti cu a si thei nawn lo, luahkhatsal ding lawngin a fial a si. Cumi cu Adam hnen ah a rak simcia zo.
[2.9]
Tu ahcun "Luahhkhat" le "Luahkhatsal" ti tongfang hi kan ruat hnik kei uh. Ziangmi ah an danglam awknak a um? Luahkhat ticu tuahleh sal tinak a si ih, hlanlai ta phorhsuah leh ti a si. King James Bible ih lehlin dan ahcun Pathian in Adam hnenah leilung luahkhat dingih a fial tikah Noah hnenih a sim mi vek in cafang a hmang. (Sem. 1:28). Hi luahkhatnak hi Hebrai tongah kan zoh a sile "Male" tin awsuah a siih MAW-LAY lole MAW-LAW (Strong's Heb. 4390) tiih siar a si. Cutin hi tongfang hmangin run leh sawng vivo a si ih, "luahkhatsal' ti tongfang a ra suak. Hi tlak hlumpi leh tidai cu leilung tiih kawh a siih, hman leh ding mi lei lung, thuamleh sal zo mi, Pathian ih sersiammi umnak hmun a rak si, luahkhat a rak si dah ih cumi ahcun a ralpa khal a rak um dah ve zo.
Job 1:7 Cutikah Bawipa in, "Khuilam in so na rat?" tiah Setan cu a sut. Setan in, "Leilung pumpuluk suk le so ka vahnak in ka ra" a ti.
[2.10]
Cuti kan ti tikah leilung hin a rak tuahtu a Pu ih hman zomi kutthlak a hngakih a hlanih rak hmuzo tu pawl cu rannung phunkim an siih, a tanglai mi cu tui kan leilungpi leh a tang lai mi minung pawl hi an si. Cu pawl cu Daniel ih a rak simcia mi khuahlan thingkung leh ram sa ruh pawl, leh lei vangdap suk le so pawl khi an si.
Daniel 12:4 Cule ka hnenah, "Daniel, a tu ah cauk cu khup awla leilung a cem hlan lo cauk cu zohman ih on lo dingin a parah tacik kheng aw. Minung tampi in thil cangmi pawlih tican theih an tum rero ding nan an zuam awknak cu a lak a si theh ding," tiah a ti.
[2.11]
Cet thazang pawl khal a thanso vivo nak pawl hi khuahlan thingkung leh ramsa ruh pawlin kan thei thei. Kum zabi netabik tiang hi cet thazang lawngin leitlun pum huapin kan hmangrero lai ding. Leilung dam kum thawi pehpar aw in Fimthiamnak lam(Science) hmuhdan le Pathian thu hi a kalh aw ringring ding ti thei aw. King James Bible in fimthiamnaklam (Sci ence) thu a simdan hi ka duhzet:
I Tim. 6:20 Timote, na kilkhawi dingah na kut sungih ap mi hmuahhmuah kha himte'n kilkhawi aw. U pat hmaizahnak ziang hman tello, atthlak thu el awknak, mi hrekkhatin "fimthiamnak" tiah a dik lo zawngih an ti mi tong pawl cu hrial aw.(KJV)
[2.12]
No Sungih Hlan Thilsuak Ruh Ruang
Paulin Timote hnenah ziang hmuahhmuah hi Bible ah a hram a bun awk thu a sim. Fim thiamnaklam misang pawlin leitlun le a sung um thilri pawl hi a leilung aiin an upat ter. A thupi mi cu leilung hi kumziat a reizo ti hnakin Pathian in a rak siam thar laiah khan pian hmang le hmuithlam a rak neilo ti hi a thupi deuh. Tahthimnak malte'n lo sim ka duh:
[2.13]
Tu ah na hmaiah lei khengtialte kengin ka ding. Cutikah ka tlakter pangih a kekkuai pang riai. Cui a kuaimi lei khengtialte cu Fimthiamsang pawl cun ziangtluk a rei zo ti an tuakto tikah kum thawnghra tluk a rei an ti. A sinan cui khengte parih tial an rak carnak cu kum hnih a rei. Cuti a sile cui kheng cu kumziat a rei pei? Kum thawnghra maw kum hnih sawn a si pei? Fimthiamsang pawl cun kum thawnghra tiin an ti fawn, thu el awknak a suak. Cuvek thotho in minung hi ziangtik in kan rak um thok ti na tuakto ih Adam ihsin na siar thawk a sile a tambik ah kum thawngruk hluanlo a rak ti lo nan, sersiammi pawl hi kum upa deuh ah an rak ruat sual theu. A cang theilo mi thil an si. Fimthiamsang pawl hnenah na mawtaw hi kumziat a si zo ti sut awla kum khat lole kum hnih a si lole a rei thlang an lo ti men ding, a sinan cui an mawtaw thilri pawl cu kum thawng tampi a rei zo an lo ti ding. Fimthiamsang pawl hin an mawtaw kum pawl hi rak theifiang zet khal va si hman hai sehla ziangtin saw Pathian ih sersiam mi upat leh kumno nak cu an theih thei ding?
[2.14]
"A hmaisa bikah Pathianin lei le van a semsuah, lei cu pianhmang leh hmuithlam tivek khal zianghman a rak nei lo." Hi can hi ziangtik saw a rak si ding? A hramthawhnak ti hi ziangtikah a rak um thok? Kan theih dingmi cu Pathian in kan hrangah fiangtei simnak a rak nei lo.Leitlun ih thilri pawl hi minung ih hmuhlo in kumziat sung an rak um ti lawngte cu kan thei thei lo. Hi sersiamnak thu hi Beltuahtu in milai umnak ding hrangah a ceimawi, a remlehsallai ihsin a rak thok zo a si.
[2.15]
"Thimnak in tipi cu a khuh thluh" ti mi hin a simduh mi cu hi hmunah hin Pathian a leng hrih lo. Ziangah tile Anih cu Tleunak a si ruangah A hmaika ah a thup aw mi leh thimnak hrim hrim a um lo (I Jn. 1:15).
Jeim 1:17 A tha mi le a famkim mi laksawng hmuahhmuah cu vancung ihsin ra mi an si. Vancung ih tleunak a tuahtu Pathian hnen ihsin a ra mi an si. A siam mi thil pawl cu an thlengaw na in Pathian cu a thlengaw dahlo: tikcu a herawk khal le Pathian hnen ahcun khawthim ti a um dahlo.
Jn. 8:12 Jesuh cun Farasi mi pawl hnenah a tong sal ih, "Kei cu leilungih tleunak ka si. Zokhal kei- mah i thluntu cu nunnak ih tleunak a nei dingih khawthim sungah an feh dahlo ding," tiah ati.
[2.16]
"Tleunak um seh" tiah Pathian in a ti tikah Amah le mah a simduh mi a siih sersiam nili nak tiang ahhin van ihsin leilung hlumtertu dingah zianghman a rak um hrihlo. A ni linak lawng ah leilungpi hi Pathian sunlawinak in a tuam a si. Cule thlaici, thlaihnah pawl, thingkung hrampi pawl hi nikhat ni ah thang leh rahmi an sizia hi thil mangbang thlak an si lo maw?
[2.17]
Ni Khat Hi Ziangtluk A Rei Pei?
Thukham Thar ih kan hmuh thei mi cu Bawipai mithmuh ahcun nikhat hi kum thawngkhat vek a siih, kum thawngkhat khal hi nikhat vek a si. Pathian in niruk sungah kan leilungpi hi a rak sersiam lo, kan leilungpi cu amahte'n a thanglian vivo men a si tiin simfiangnak thu theih a si theu. A si ko nikhat kan ti mi hin kum thawngkhat a sawhkhih thu a tlunih bung le cangin kan thei thei. Piter hnenih sim bangin, Pathian cun ni khat thilthu ah A hna hi a theh thluh ih, cucu kum thawngkhat, a si lole kum bitek umlo Pathian hrang ahcun ni khat tluk fang a si. Pathian ah bitek a um lo, Curuangah hi thu hi cu thu khihhmuh mi nei ih nganmi a si tin kan ruat a tul. Pathian cun mi pakhat ih ni thawngzariat tuah thei mi hnak hman in a tuah tam theisawn ding a si.
[2.18]
Pathian Um Zum Satliah Pawlih Ruahdan
A dang Fimthiamnak lamih zirtirnak pakhat leh cu Pathian timi cu a um ko ti zum satliah nak hi a si. Hi zirtirnak sual pawl cun Pathian in nunnak hi a sangsang (dotdot) in a tuah a si tiin an zum ih, cui nunnak cu a nu lole a pa dingin an thlengaw ih anmahte'n a rak umciami parah an thanglian vivo an ti, cuti a si lole an rak umcia thluh tiin an zirh. Cui zirhnak sualih a kaihhnoih ngah mi pawl cun Pathianih sersiamnak hi pom ngaingai lo in manghla thu le a menmen thil vekin an ngai. Hiti vek zirhnak sual pawl hi zumtu lak lawngah silo in kawhhran sungah, Bible tlawngah leh zirhtirnak dik tiaw pawl lak khalah an ther awk kan hmu thei.
[2.19]
Thutak A Ngan Vek Rori
Fehsual kan timi ziang a si? Bible thu ih nganmi thawi kalhaw ih thusimtu pawl hi an si. Pa thian in thil hi a sidan vek rori'n a rak ngankhum. Profet pawl hnenih manghla leh lar awk nak tivek ih a rak pek mi pawl hin nganmi vek rori in duhsan diktak an nei thluh. A tehkhin thu leh a kelki zawngih a rak sim mi hmuahhmuah khal hi ngansuahmi vekin a dik thluh, anzate'n amai thawkkhumnak ih ngansuah mi hlir an si.
II Tim. 3:16 Ca Thianghlim hmuahhmuah hi Pathian fialnakih ngan mi an siih thudik zirhnak ah leh zirh sualnak elnak ah leh a sualmi remthat sal nakah leh dingte ih nitin nunnak ih zirh awknak ah a tha.
II Pit. 1:20-21 Thil dang hmuahhmuah hnakin hi mi hi cing tha uh. Zo khal amah bulin Cathianghlim sungih profet thusim mi kha a fianter theilo ding. Profet pawl thusimnak cu milai duhdan men ihsin ra mi a si dahlo... Thlarau Thianghlim forhfialnakin an sim mi a si.
[2.20]
Hi bang pawl hi Pathian in thu a si lole hla in a rak phuang (Daan. 3:19; Dan. 7:1), a sinan hitawk fang hi thu a siih, hitawkfang hi hla a si ti lawngte cun a sim dahlo. Thutak hicun hmual a nei (Saam 22).
[2.21]
Pathian Ih Thupitter Mi
Mi zokhal Bible a zirtu pawl cun tu le tu thutha an hmuhsuah theunak cu Pathian in an thin lung hak/ruh mi pawl kha a thuhla umtuzia ngunngaihzet ih ruat thei dingah a hip ruangah a si. Semtirnak bung hmaisa sungih sersiamnak thu khal ah cuvek thotho in a si.
[2.22]
Minungin amah le mah a theihawk hnakin Pathian in a theifiang sawnih mangbangza ser siamnak thu khal hi simfiang an tum ding ti khal a thei. Anmai theihdan cun an thinlungih bantawk cu an fiang ko nan a thu thawn kalhaw mi hlir an si theu. Cuvek thil atthlakza thu suangtuahtu pawl ruangah A sersiamnak thu pawl tla malte lawng, nu le pa'n an fale pawl hnenah tu le tu thu an sim vekin a sim sal theu. Curuangah Pathianin a tulmi lawng fiangfaizet in a sim thluh ti hi theih a tul.
[2.23]
Nazi Kul Hluanli Ni
Pakhat hnu pakhat sersiam an si hnu ah Pathian in bangrep ten a phuansuah mi pawl cu "Zanlam a um ih zinglam khal a um cucu a ni khatnak a si, a ni thumnak a si, a ni linnak a si," tvkn. Curuangah zinglam leh zanlam hin nazi kul hluanli a nei. Mihrekkhat ih reldan vek rak si ta sehla ni khat hi kum thawngkhat tlukin a sau dingih ni khat ni ah hin zing le zan veitampi a um a tul ding. Curuangah kannih cun, "Ni khat" timi hi a simdan vekin kan zum a si. Hitin tahthim sehla, "Jesuh Khrih ni ah" kan ti tikah Jesui tikcu can khi a sim duhmi a si. Cuvek thotho in "Sual zinih tlu" timi khal hi a bangaw a si, simduh mi cu sual ih tluk ding ahcun zinglam a si lole zanlam kherkher a tul lo. Kan theih ding mi sawn cu ni khat a um ih, zing khat a um ih, zan khat a um fawn.
[2.24]
Mihrekkhat in nikhat kan ti mi nazi kul hluanli hnakin a sau deuh tiih rak simtu an um lala. Asinan el tlakah kan ruat lo. Semtirnak cabu sung um mi pawlih kum pawl hi a hmaisa bikahkan ruat hnik pei, a hleice in tilik hlan minung pawl thu hi. Bible ih a sim vekin Adam kha kum 930 a dam. Adam ih dam kum hi, nikhat hi kum thawngkhat tluk a si ahcun a tawi theibik Hebrai Nithlasiarnak (Calendar)ni zathum le ni sawmruk ih maldeuh mi hman in Adam cu 334,800,000 a dam ding tinak a si. Curuangah Adam ih kum hmanah buaipi tlak a tam tuk ding. Cubangin Bible sungih damreibik Methuselah khal kha kum 348,840,000 a dam ve a tul dingih, Adam cu a fate vek a si a tul ding.
[2.25]
A thu hnihnak ah, sersiam hnu ih kum thawnghnih hnu kan zoh a sile Pathian in Israel pawlkha a hnatuan a colhnak ni ul cio dingin a rak sim. Pathian in Israel pawl kha hi ni hi thianghlimter dingah a fial hai ih a simbet mi cu zirtawp zan nitlak hnu in zarhte zan nitlak tiang uldingin a fial hai (Suah.16:11-36). Hebrai pawlih nithla hminsin dan cu nitlak ihsin a thaisun nitlak sal tiang a si. Rom mi pawl ih siardan vek zantim ihsin thaizan zantim tiang khi a si ve lo. Curuangah kan theih dingih ka duh mi cu a tlun ihta pawl hi an pahnih in ruattha aw. Cawlhni kan timi hi nazi kulhluanli rei khi a siih kum thawngkhat khi ni khat a silo.
[2.26]
A thu thumnak ah, " nikhat " timi tongfang hi Hebrai tongkam zoh a sile fiangten tongkam ih ngan in a um. Hebrai tong ahcun " nikhat " ti mi cu "yowm", yome tin a awsuah ding (Strong's Heb 3117), A simduh mi cu nikhat timi cun sun eng can a si lole nitlak can tin nazi kulhluanli a nei a si. Semtirnak bung sarih, cang hleikhat hin "a hramthok in" timi hi thleng ta hrat ih simfiangnak ah hman ding a silo.
Semtirnak 7:11-12 Noah kum 600 kim hnu thla hnihnak ni hleisarih ni ah, leilung hnuai ih tipi cu hmunkip in a put ciamco; cun van tukverh hmuahhmuah a ongaw ih ruahpi cu a thlet in a thle aw; cuti'n leilung parah ni sawmli le zan sawmli ruah catlo in a sur.
[2.27]
Tilik hlan thil kan zoh tikah ni simfiangnak lawng silo in thla simfiangnak khal kan hmu ve thei. Semtirnak cabu sungih ni sawmli sung rori ruahpi sur thu, thluaktha pawl ih an ruah suak mi kum thawng sawmli sung ruah a sur ding ti cu a zumum lo nasa.
[2.28]
Pathian In A Simawksal Tikah
Semtirnak cabu sungih sersiamnak thu ah simnon mi thu kan hmu sal, kan ti tikah a sithei hmang maw ti ih suangtuahtu pawlih Pathian thu an zirhdan hi kan pompi tinak a silo. Pa thian in tu le tu zinglam le zanlam a ni khatnak, ni hnihnak, ni thumnak tiih ni khat thu a rel leuhleuh ruang sawnah a si. Amah Pathian rori ih simrel mi a si. Tidai a kan hnu lawngih finkhawm aw mi tipi cu tipithuanthum tiah kan ti ding ti hi thluak men a si, "Cun Bawipa Pa thian in, leilungin thingkung, hramkung a phunphun ci a nei mi le rah a nei mi suahseh a ti,a ti bangtukin a cang" (Semtir 1:11)
[2.29]
Thlairah le thingkung pawl hi pungzai dingah mah le ci cio an rak neih hi minung cithlah awkdan vek a si. A simduh mi cu, thimnakah rose pangpar ci cun ci zaih tahratin rose par dang a suahter. Hramkung kan timi rose par hin phiangkung a si lole khiangkung hin rawl suan ih hman mi rimhmui hnah phunkhat, cun rimhmui hnah hin lakphak kungah an cang thei cio hai lo. Dotcang Zumnak cun thil phunkhat ihsin a dang phunkhat ih thleng awknak a si tin a zirh. Cuti a sile zinghnam pawl khi zawhte, zawhte pawl khi uico ah, uico pawl khi rang ah, rang pawl khi zawng ah, zawng pawl khi minung ah a si lole a hrek cu zawng tho tho ah kan canter thluh a tul ding. Hi zirhtirnak hi na zum a sile an thu lak mi, zawng khi nangmah vek a si mi minung ihsin tuahmi an ti mi ah na cang a si. Hi pawl ruahdan cun hi bang pawl hi kum ziangmaw zat an upat a tul an ti, curuangah cumi dik thei dingin a cang thei ding bik in an tuakto ciamco. Kannih zumdan cun leilung kumcaan kan sim a sile, pian hmang a rak neih hlan cu theihlo a siih, a neih hnu, nunnak hram a rak thoknak thu pawl ihsin kan zoh tikah kum thawngruk hrawng a si zo. Adam ihsin tuisun ni tiang hi ka sim duh mi a si. Curuangah hi mi cu thlaihnah le thingkung lam zirnak ih kan ruat a si khal le hi zirhdan cu a dik theilo. Curuangah kei ka simduh mi cu zawhte thu thawn pehpar aw in cui zawhte cu ci kan zaihter tikah ramsa dang uico ti vekah cun a cang thei cuanglo ti hi thu thimnak ah ka sim duh. Cuvek thotho in pangpar pawl khal ci kan zaihter thei nan apple ahziangtik hmanah an cang thei cuang lo. Cuti si cingin ziangruangah saw mitam sawn hin tuah kan tum lai hrih theu?
[2.30]
Pathian in thutak theihtheinak dingah Semtirnak bungkhat, cang kulhluankhat leh kulhluan nga pawl khalah in sim rero. Cun cang kulhluankua nak ahcun thil phunkhat hin anmai ci cio lawng rahsuah ding an si thu in sim leh. Cuti a sile Pathian in ziangruangah mai ci cio an suah ding ti felfai tak ih a rak rel. Munungih thluak fimnak hin Pathian ih sersiam mi hi a sersiam betsal ding maw? Hi thil pahnih ihsin kan theihfiang thei mi cu thil a cang theilo mipawl hi a fale pawl hrang ahcun a ruat dahlo ti thu hi a si. Pangpar hi a mum ihsin a hung parsuak ih lunghmul pangang ihsin phengphehlep ah, cun butlak pawl tla cuvek ih ra suakan si ti hi zohman in an el dah lo: Ka mangbang mi cu cuvek thil a menmen ih kan rak ruat thei hi a si. Diklo tak in sersiamnak thu hi an zirh a va si hmanah Pathian lamzin cu kannih lamzin vek a silo ti hi.
Isai 55:8-9 Bawipa in, ka ruahnak cu nan ruahnak a silo, ka lamzin le nan lamzin cu a dangaw a si. Van tla khi leilung hnakih a san bangin, ka ruahnak le ka lamzin cu nan ruahnak le nan lamzin hnakin a sang sawn a si.
[2.31]
Pathian in sersiamnak thu a rel tikah kan theihthei tawk ding fangin in sim. Dingtak le fiang tak in in sim a si. Cutheh hnu ah, nang khalin thilri pawl hi rak umcia zo an si dan, kum ziat an rak reizo ti pawl hi rak rel ve awla. Thil ziangkim hi fiangfai lo leh hnokzet vekin rak um hman hai sehla; Pathian in ziangtikhman ah thuphan a rel dah kel lo. Mi tampi in Jesuh Khrih tidai parih fehnak, phar tidamnak, mitcaw tidamnak le mithi kaihthawh thu pawl hi kan rel celcel, kan zum ko. Hibang pawl hi Pathian huham in a si ti cu kan zum cio ko. Cutia si ko nan Pathian in a huham in van boruak a rak tuah ti cu zum har kan ti; Mi fimthiam pawl kan cawng in kan thlun deuh thlang a silo maw? Sersiamnak thu hi kan pom theilo ahcun Jesuh Khrih ih thawhsalnak ih somsoh mi mangbangza thil pawl hi ziangtin kan zum thei ding?
I Korin, 15:13-21 13 - Mithi thawhsalnak a um lo a sile, Jesuh Khrih khal a thosal lo ding. 14 - Jesuh Khrih hi a thihnak in a thawhsal lo a sile, kan thuthangtha sim mi hi a lak a si dingih kan zumnak khal a lak a si ve ding. 15 - Cuitlunah Pathian ih thu ah thuphan per ah kan cang ding a si, ziangahtile thihnak ih sin Khrih cu Pathian in a thoter sal zo ti ah kan sim ringring a si. A sinan a thimi pawl nun nak ah thawhtersal lo an si ngaingai ahcun Pathian in Khrih khal a thawhter sal lo a si ding. 16 - Mithi thawhsalnak a um lo a sile, Khrih khal a thoter sal lo ding. 17 - Khrih hi thawhtersal a si lole, nan zumnak khal a lak men a si; sual ngaithiamnak a umlo ding. 18 - Cun Jesuh Khrih ih a rak thi zo pawl kha an hlovai thluh ding. 19 - Dam sungih Jesuh Khrih ruahsantu kannih hi kan zaten camsiat mi kan si ding. 20 - A sinan Khrih cu thawhtersal a si ruangah, mithi pawl ih thawh hma hruaitu a si. 21 - Mi pakhat ruangah thihnak a um bang tukin mi pakhat thawngin thawhsalnak a thleng ve.
[2.32]
Pathian thu hi ringhnget mei aw. Bible ih sim vekin pom hnget mei awla ringhlel aw hlah. Na kumkhaw nunnak ding hi a thutak na zumnak parah(Bible ah) a thum aw a si. Pathian in a duhmi thu a siih cui thu cun Amah an phuang ve a si.