DAN LEH KHRIHFA

Hminsin: Cangantui dinhmun theifiang dingin  "Casiartu Hnenah" ti mi siar hmaisa aw.

[9.1]

Cabu
Tuisan ah, Khrihfa ka si titu mi tambik cun an zumnak hngah awknak bik cu Bible timi cabu hi a si. Cafang, "bible" ti cu cabu tinak a siih, cutin cabu hleice pakhat "Cabu" tiih kawhmi hi kan run nei. Cumi cu cabu hmuahhmuah lakih cabu, a ngantu khal Pathian a si titu cabu umsun a si. Leitlun ih zuarkhong tambik mi cabu a siih, a tlangpi thu in hmun hnih ah then a si. A hmaisa deuh ah a tam deuh mi "Thukham Hlun" kan timi, cun a maldeuh mi neta deuh hi "Thukham Thar" ti ih kawh an si.

[9.2]

Thukamnak Pahnih
" Thuthlung" timi Thukham Thar ih hmanmi hi Greek cafang "dratheke" a siardan "dee-ath-ay-kay," a san; thukamawk (Strong's 1242) tinak a si. Curuangah bible ih hlawmthenpi pahnih thu (Thuthlung Thar le Hlun) hi Pathian le minung lakih thukam awknak  bulhlim le phun dangdang ih tuah mi thu, a siartu pawlin an theih ding beisei a um zet.

[9.3]

Thukamnak Hlun
Thukamnak hmaisa deuh (Thukham Hlun), daan tiih theih mi hi minung in Pathian hmai ih a din theinak ding hrangih a tulmi cu amai hnatuan thatnak in a si tin a rel. Cuitlunah cuvek dinhmun cu a tlin theilo mi a si thu khal a rel thotho. Minung hi thinlung ram ihsin sual ih nehcia mi si cingin Pathian ih dan thlun a tum hrimnak thu tla a sim fawn. Cumi in, milai hin Pathian ih thukam a thlun theilo ruangih a ngah ding mi pawl simtheihnak ah a rak khawlsak sung men ti thu tla a sim.

[9.4]

Hi ca sungih ngan mi hi Pathian hmaiah anmah te thiamco thei vekih theiawtu dingfelnak famkim thawn A hmai ih nun tumtu pawl hrangih zir dingah ngansuah mi a si.

Isaiah 64:6
Kan zaten mi borhhlawh kan si theh; kan hnatuan thabik khal cu fihnung zet a si ko. Kan sualnak ruangah thli ih semhloh mi thinghnah ro bangtuk kan si.

[9.5]

" Thuthlung Hlun" deuh kha a thatnak tampi a um. Pakhatnak ah dan um loin sual timi hi a theih theih lo.

Rom 5:13
(Dan pekmi a um hlan ihsin sualnak cu leilungtlun ahhin a rak um zo; sikhalsehla dan a umlonak hmun ahcun sual cu sual ah siar a si lo.)

[9.6]

Sual cu ziang a si? Pathian duhnak thawn a kalh aw mi hmuahhmuah khi a si. Dan cun milai hnenah zianghman ruahsan ding neilo dinhmun a si thu leh amai lam tuahnak tello ih rundam a tulzia thu tla a tarlang. A netabik milai hnenah thilti theinak a neih lo zia a tarlang hnu ah Pathian in a duhdawtnak tarlang ih thlarau lam thihnak ihsin a runhim bet a si. A dik theinakbik in kan rel a sile, dan hi minung hrang amah te rinsan awlo ih Pathian lawng rori rinsan top dingah a zirtu saza a si.

Rom 6:23
Ziangahtile sualnak ih hlawhman cu thihnak a si; sikhalsehla Pathian ih laksawng cu kan Bawipa Jesuh Khrih thawn kan pehzom awknak thawngin kumkhaw nunnak a si.

[9.7]

Thukamnak Thar
Thukamnak Hlun, Thuthlung lole Thukham hin a thar, thasawn mi thukamnak le thutiamnak hrangah lamzin a sial a si.

Hebru 8:6
Sikhalsehla annih tuan mi hnakin a tha deuh mi puithiam hnatuannak cu Jesuh Khrih hnenah pek a si zo. Pathian le a minung karlak ih Jesuh in a tuah mi thukamnak cu a tha deuh mi kam awknak a si bangtuk in a puithiam hnatuannak khal cu a tha deuh mi a si.

[9.8]

A Hlun ahcun Khrihfa pawl hi kan thihnak a si ruangah a camsiatnak hnuai ah kan um nawn lo.

Rom 7:4
Ka u le ka nau tla nanmai thuhla khal ahhin cuvek thiamthiam in a si. Dan thu ka rel a si ahcun nannih cu Khrih ruangpum ih taksa then nan si zo ruangah a thi mi nan si. A sinan a tu ahcun Pathian ih hnatuannak ah thahnem mi kan sinak dingah thihnak ihsin thawhter sal mi pa ih ta nan si zo.

Galati 3:10
Dan thlunnak a rinsan tu cu camsiatnak hnuai ih a um mi an si. Ziangahtile Cathianghlim in," Zo zo khal dan cauk sungih ngan mi vek rori ih a thlun ringring lo tu cu Pathian ih camsiatnak hnuaiah an um a si," a ti.

[9.9]

Dan cu tuahthatsalnak timi can tiangin a thahnem lai, tuahthatsal can timi cu Jesuh Khrih ziangkim famkimter dingih a rat tikcu tiang tinak a si. Cumi cun thinlung lam dan ah thil tha a suahter nan minung hi a sualnak le sual ruangih a tuar ding mi ihsin a luatter theilo.

Hebru 9:10
10 Ziangahtile cui raithawinak pawl cu rawl le tidai le thianfainak ih tuah mi thawinak thawn a pehtlai aw mi an si. Cu pawl cu a lenglam dan lawnglawng an siih Pathian in ziang hmuahhmuah a thar in a rem hlan sung lawng hman mi an si,

[9.10]

Tu ahcun a riaral zo, minung khal hi a sualnak sung ihsin a runsuak thei nawn lo.

Hebru10:4
Ziangahtile cawcang thisen le me thisen in sualnak cu a tlengfai thei dah lo.

Hebru 10:11
Judah puithiam pawlin an tuanvo cu nitinte an tuah ih an pek theu mi raithawinak cu voi tampi an tuah. Sikhalsehla raithawinak in sualnak cu a tlengfai dah lo.

[9.11]

Thukam Hlun sungih puithiam dan pawl thlun lo ding thu lungkim tu mi tampi cun Dan pahra hnawl ding thu an theih ahcun a phar in an phar ding. Thukam Hlun sungih tep hlah, tham hlah, tuah hlah timi dan pawl hnawl ding cu an phur zet, cu pawl cu Judah pawl ih thlarau nun hrang lawng a si ih, dan pahra sungah an tel thluh an ti. cumi cu thil phundang zet pakhat a si thotho.

Efesa. 2:14-15
14 Ziangahtile Amah cu pahnih kha pumkhat ah in tuah tu, kan daihnak a siih kan lakih in dang tu phardawl cu a bal theh zo.
15 Judah dan cu thukham le thupek mi pawl thawn a phiat theh. Cuti ih a tuahnak cu amah Khrih thawn an pehzom awknak ruangah miphun phunhnih cu miphun thar pakhat ih canter dingah a si. Cutin a tuah ruangah remnak a umter.

[9.12]

Jesuh in lei le van an hlohral hmanah dan sungih um mi cu pakhatte hman a hlo lo ding a ti.

Matthai 5:17-18
17 Moses dan pawl le profet pawl ih thuzirh mi siatsuah dingah a ra, ti ah i ruat hlah uh. Cupawl siatsuah dingah ka ra lo, an zirh mi pawl kimter dingah ka ra sawn a si.
18 Hi hi cing tha uh---- lei le van a um sung cu Dan sungih dan terek bik pakhat hman a hlo lo ding, ziang hmuahhmuah a siat theh hlan cu pakhat te hman a hlo lo ding.

[9.13]

Minung hi Pathian ih hmuhdan cun thuthlung pahnih sungah pakhat hnuai lawngih um in a hmu. Cumi cu dan thuthlung a si lole Khrih thawngih tuah mi zangfahnak thuthlung lakah pakhat khat ih hnuai ah a um tinak a si. Zokhal Jesuh hnen ih a tlanluh ahcun zangfahnak hnuai ah a um, a sinan a tlanlut lo a si ahcun dan thuthlung le a camsiatnak hnuai ah a um a si. Dan cu lei le van an hloh tiang a um hrih ding ruangah Pathian ih Fapa neihsun a hnawltu hrang ahcun thiltitheinak a nei lai a si. Ni netabik ahcun lei le van an hloral dingih, cun thuthennak hnu ah dan khal a cemral cih ding.

Thupuan 21:1
Cui hnuah van thar le lei thar ka hmu. A hmaisa ih a rak um mi van le leilung an hlo ih tifinriat khal a um nawn lo.

[9.14]

Thuthlung Pahnih Khaikhin

Thuthlung Hlun cun sual a hlohter theilo.

Hebru10:4
Ziangahtile cawcang thisen le me thisen in sualnak cu a tlengfai thei dah lo.
Thuthlung Thar cu Pathian Fapa neihsun thisen in tuah mi a siih minung ih sualnak hmuahhmuah a kholhfai thluh thei a si(I Jn. 1:7).

Hebru 9:22
Dan sungih a um vekin ziang hmuahhmuah cu thisen lawngin a tlengfai ih thi a luan hnu lawngah sual ngaidamnak a um thei a si.

Hebru 9:15
Cuti a si ruangah Pathian ih a kawh mi pawl in Pathian ih a kamcia mi kumkhua thlawsuahnak an co theinak dingah thukamnak thar a ngaihtuah tu cu Khrih a si. Cumi a si theinak cu Khrih a thihnak thawngin a si. A thihnak in a hmaisa thukamnak hnuai an um laiah an sualnak sung ihsin a luatter a si.

[9.15]

A thisen ruangah kan sualnak pawl cu a cing nawn lo, kumkhua in a hngilh ta a si.

Hebru 8;12
An sualnak ka ngaidam dingih, an mawhnak khal ka cing nawn lo ding, tiah a ti.

[9.16]

Kum thawnghnih reizo ah khan Israel ram sungih Judah peng Bethlehem khua ah thukamnak thasawn le tharsawn tuahtu naute pakhat a suak, cui thukamnak cu A thisen in tuah mi a siih thukamnak hlun cu a hleih thluh a si. Hminsin ding ahcun a siatbal ti silo in a hleih thluh ding ti sawn ka hmang. Cui thuthlung thar cu Amai san ihsin tui kan san tiang an buaipi lai a si. Jesuh cu thukamnak hlun rak kaihnget tu pawl in cawllo banglo in an rak hniak ciamco. Mi tampi cu Farasi pawlih hlan dan thlun in, hi sabit ti thar Pathian Thlarau thawn a hlun sungah rawi an tum ih cuvek savun, Pathian ih camsiat mi thuthlung dan men cu a hlitsak thluh.

Matthai 9:17
Cuvek thotho in zohman in savun thawl hlun sungah sabit ti thar an thun dah lo; an thun a sile savun thawl cu a kuai dingih sabit ti kha a zun hlo theh dingih savun thawl cu a siatral ta ding a si. Cu hnakin sabit ti thar savun thawl thar sungih thun a si ahcun siatnak zianghman um loin an pahnih in an tha ding, tiah a ti.

[9.17]

Hi Thuthlung Thar a dan zawngih a thlun tu pawlin dan hlun khal hman an tum lai, thisen luannak thinglamtah zin lan tahrat in Khrih in luatnak nun a neihter mi pawl kha dan thlunter sal an tum.

Galati 5:1
Khrih in in luatter zo ih kannih cu a luat mi kan si zo. Curuangah miluat nan sinak ah khan fekten ding uhla sal cangsal nawn hlah uh.

[9.18]

Thih Tiang Kaihhnget
Dan sungih um mi pakhat khat kan thlun a si ahcun, dan i sal ah ka um tinak a si. Dan ih sal ah kan um sung cu dan ih camsiatnak hnuai ah kan um tinak a si.

Galati 3:10-11
10 Dan thlunnak a rinsan tu cu camsiatnak hnuai ih a um mi an si. Ziangahtile Cathianghlim in, "Zozo khal dan cauk sungih ngan mi vek rori ih a thlun ringring lo tu cu Pathian ih camsiatnak hnuai ah an um a si," tiah a ti.
11 Ca Thianghlim in, " Zumnak ruangih Pathian thiamcoter mi lawng an nung ding," a ti ruangah Dan thlunnak in zohman thiamcoternak an ngah lo ti cu a fiang zo a si.

[9.19]

Thuthlung hlun a cem zo ih kannih Khrih sungih um tu pawl cu cumi hrangah a thi mi kan si ahcun cumi cu ziangruangah kan tuah a tul nawn ding?

Galati 2:19
Dan thuhla ahcun kei cu mithi ka si; Pathian hrangih nung dingah dan in kei cu i that zo a si.

[9:20]

Thukamnak thar puanzai kan sin thei nawn lo ti hi ziangruangah kan theithiam theilo?

Matthai 9:16
Zohman in angki a hlun ih a tlek mi parah puan thar an belh dah kel lo, ziangahtile belh mi thil thar kha a com dingih angki a tlek mi kha a kau sinsin ding.

[9.21]

Dan cu theihter tu a si vekin kanmai zuamnak ih Pathian hnen kan thlen theilo zia in theihter tu a si ih, sihmansehla cui rinnak nei tu pawl cu theihter tu hlun a si mi dan hnuai ah an um nawn lo.

Galati 3:24-25
24 Curuangah zumnak thawngin Pathian hmai ih thiam coter mi kan si leh nak dingah, Dan cu Khrih a rat hlan sung in khor tu a si.
25 A tu cu zumnak tikcu a ra thlen zo ruangah Dan cu in khortu a si nawn lo.

[9.22]

Dan um locun sualnak ti mi kan theifiang theilo.

Rom.5:13
Dan pek mi a um hlan ihsin sualnak cu leilungtlun ahhin a rak um zo; sikhalsehla Dan a umlonak hmun ahcun sual cu sual ah siar a si lo.

[9.23]

Thupi zet mi a si ko, a sinan kan nunnak ah thuneihnak a nei nawn lo thlarau thianghlim in cui dinhmun cu a co zo.

Rom.8:1
A tu cu Khrih Jesuh thawn a pehzom aw mi hrangah cun sual thuthennak in an luat zo, minung duhdan ih nung lo in Thlarau duhdan vekih a nung tu hrang ahcun.

[9.24]

Dan cu kan zohthim ding ih tuah mi a si, minung in amah te runsuahawk tum khalsehla a tlin lo zia hmuhsaknak a si. Dan cun kan hlan dinhmun thu in khihhmuh ih kan hmailam hrangah a thadeuh mi a tul zia thu tla in theihter tu a si. Profet thupuan cia mi pawl tampi a tel nan an kim thluh hrih lo, cumi cun a danglam dah lo mi Pathian ih mizia a langter.

[9.25]

Thuthlung Hlun khal in kan thlarau dinhmun thup hi thuanthu tahthimnak tampi thawn a rak rel ih cumi in thlarau lam thutak tamzet a hmuhsak a si. Cumi cu thukamnak thar ih rualpi a sinan a belhbawm tu men cu a si theilo.

[9.26]

Thukamnak Betbang A Si Lole Thubuai
Mi hrekkhat cun dan thupek pawl cu kawhhran (tuisan kawhhran) pupa pawlin cathianghlim vekih nun theinak dingah an tuah mi a si an ti men thei. Cui dan thupek an tuah mi pawl cu Cathianghlim ih in fial mi nundan mawi le tha vek hlir an si tin an simfiangnak an nei ko ding. Cin le dan lam uar tu pawl hrang ahcun a dik nasa ding, a sinan Khrih in Kalvari ah in leisak mi zalennak kha a siatsuah sawn a si. Cuvek ih milai phuahcop thurin cu kan lamzin tleunak a si mahna, sihmansehla cui tleunak cu tleunak a si mi vancungmi ihsin ra mi lawng a si ding. Ziangahtile cui vancungmi cu Pathian ih fa le pawl bum ding le siatsuah ding lawngah a ra a si.

[9.27]

Milai cun, thlarau mi a si hmanah, amah te in Pathian thu hrilhfiah in a remsal tum a si ahcun thubuai le thenthek awknak lawng a suahter ding a si. Cuvek thuhla ahcun milai sinak ah zoso mahte thinlung ruahnak a neilo tu um ding? Cuvek dan thupeknak le nuntudan ding ruahman mi pawl kan pom in kan lung a si ahcun kan lakah zoso duhhril thei le tlin thei tu um ding? Kanmah te phurrit kan pe aw in cuvek cin le dan leh milai tuahcop dan in kan delh aw rero ding mawsi? A si lole Farasi pawl thuzirhnak pawl kha lehhnu ih pomlut lehsal dingin kan rak hnawl sung lawk men a si maw?

Matthai 23:4-5
4 Mi zang parah thilrit zetzet an suang, a sinan anmah cun cui thilrit phurh bawm dingah an kutzim hman in an dai duh lo.
5 Mi ih hmuh ding lawnglawng ah ziang hmuahhmuah an tuah. An lu le an ban ih an khih awk mi par ih Cathianghlim an ngan mi lukhap le bankhap (Bakilh le faute) pawl tla khi zohhnik uh! Ziangtluk in an tum! An puan feem a sau zia tla khi zohhnik uh!

[9.28]

Matthai 15:19
Milai ih tuahcop mi dan kha, Pathian pek mi dan vekin an zirh ruangah, Keimah in biak rero khal hi thathnemnak zianghman a nei lo.

Khrih thisen in sal ihsin in luatter hnu ah, dan cu thlun kan tum lai hrih ding maw, a si lole Thlarau Thianghlim kaihhruainak cu kan hril sawn pei maw? Tu rori ah kumkhaw hrang voikhat te hi Thlarau ih kaihhruainak sawn hril in, dan thupeknak sung ahcun a thi mi si uhsi.

Efesa 2:15
Then awknak le ral awknak a tuah tu phar cu amai taksa pum rori in a bal theh zo. Thukham le thupek mi pawl thawn a phiat theh. Cuti ih a tuahnak cu amah Khrih thawn an pehzom awknak ruangah miphun pahnih cu miphun thar pakhat ih canter dingah a si, cutin a tuah ruangah remnak a umter.

Kolose 2:14
Kan sual leiba ngannak cazin cu a sungih um mi, mi a tawntem tu dan terek pawl thawn thinglamtah parah khencih in a phiatfai theh zo.

Galati 2:19
Dan thuhla ahcun kei cu mithi ka si; Pathian hrangih nung dingah dan in kei cu i that zo.

[9.29]

Jesuh san lai ah Pathian Fapa hnawl in luatnak thu a zirh mi khal pom duh lo tu an rak um. A thilti theinak cu hnawl ih khawsia a si an ti. Tuisan ah kannih in Thlarau Thianghlim hnatuan hnawl in dan ih kaihhruainak thlun kan tum ve a si. Noah san lai ah tilik ding thu ih thu a pek mi an thlun duh lo kha Pathian a um timi hnawl thawn a bangaw a si. Tui san kannih, Thlarau Thianghlim kan hnen a um lai ahhin cui Thlarau Thianghlim hnawl in Thuthlung Hlun dan thlun kan tum lai hrih ding maw, a si lole dan dang pawl le milai tuahcop thurin pawl kan thlun mei ding maw?

Johan 14:17
Amah cu Thlarau a siih Pathian thudik a langter tu a si. Leilung in Amah cu a hmu theilo ih a thei thei fawn lo ruangah a pom theilo. Sikhalsehla nannih cun  nan thei, ziangahtile amah cu nan hnenah a um ih nan sungih a caam ruangah a si.

Johan 16:13
Sikhalsehla thlarau a run tik ahcun Pathian thudik langter tu a si ruangah thudik hmuahhmuah ah a lo hruai ding. Amai thuthu in zianghman a tong lo ding; a sinan a theih mi kha a sim dingih a ra thleng leh ding mi thu tla kha a sim ding.

[9.30]

Thlarau cu Pathian ih duhnak tleuter ding le theihter dingah kan hnenah thlah in a um ih kan thlun ding mi lamzin khal bulpak rori'n in simtu a si. Thlarau Thianghlim cu Pathian ih thu leng in a cangvai dah lo dingih milai thurin, nuntu dan le cin le dan tuah mi tivek i bomnak khal a tul dah lo. Cuvek cin le dan pawl tul nawnlo dingin a thawn ih, milai thuneihnak kan hmang tum lai thotho a si ahcun A thuneihnak kan el thawn a bangaw a si.  

[9.31]

Thuthlung Hlun san lai ahcun Pathian fale pawl hi hmunkhat te ah an rak umkhawm hai ih sinak rualran ten an rak tlang tlang hai, an neih leh siah khal hlawm aw tlangin nun khatin an nung khawmih muanah muang tlangin leh zam ah zam tlang in an rak khawsa tlang hai. Thuthlung Thar kawhhran san a rung thlen tikah Pathianih fale a kawhhran pawl cu leitlun hmuntin ah  dungthluntu dinhmun in an rak um. Sinfen mawitawk tak hruh hna a rak thiam zotu Ecuador, America ram thlanglam mi pawl kha Alaska ram lamah kuat an si hai ih an ram a daih tuk ruangah an thisen hman khal thei zik khop in thihnak tiang tongin khawsik tuarin an rak um hai. Skirt lawng a hruktu Thlang lam Arctic ram mi pawl hrang ahcun mualphonak men tla maw bangnak a nei. Dan kan kan timi  pakhatte lawng hi cun a tlamtling thei nawn ta lo. Curuangah a si kannih cun Thlarau Thianghlim hi kan lam hruaitu ih kan tul. Dan thu ngan mi in that ih a sinan Thlarau in nunnak in pe a si.

II Korin 3:6
6.Thuthlung thar riantu kan si theinak cu Amah in thazang in pek ruangah a si. Curuangah thukham thar sungah ca in ngan mi Thukham a um lo; Thlarau lawng a um a si. Thukham cun thihnak a thlen ter, sikhalsehla Thlarau cun nunnak a pe.

[9.32]

Kannih khalin Jesuh thawn khawmpi hmang tlang dingih kawh mi kan sinak hi kan ruatsal hnik kei uh. Cui tonkhawmnak inn sungih luh tikah a lubik ah Jesuh thawn cabuai tumpi kimvel ah kan to khawm ding a si. Kannih khal cabuai tampi ih kulhvel mi tohkham parah a kualin kan to khawm ding a si. Kan hmai zawn cabuai ahcun khatlam khatlam ih ngan mi capi a um. Kan kehlam kapih retmi capi cu Thuthlung Hlun dan bu asi ih tacik, " a famkim zo" timi in an khen. A vorh lamih hminsinnak cu Thuthlung Thar bu asi ih "tuannak" ti in tacik an khen.

[9.33]

Jesuh Khrih hin thil tampi simfiangnak a rak nei ih cubang pawl cu tehtonnak in a pakhatnak cu kan ngah theiih cucun tuannak ih hlawhtlinnak dingah in bawm. In simta mi cu a rak cang dah mi thuanthu pawl kha an dik thluh ti hi a si. In simfiang leh mi cu kan hmai ih ra thleng lai ding mi simcia mi thu a um ti leh kan hman thei mi a um lai ti hi a si. A thu ngai dingin in sawmih a hlan ahcun thil tampi kan rak ti sual ih cui kan ti dik lonak pawl cu kan tan laknak sawn ah hmangin dan kha in kaihruaitu si thei dingah in zirh (Gal. 3:24-25).

[9.34]

"Thuthlung Hlun Dan" thu Jesuh ih pomnak le a rak hmannak kan hmu thei, curuangah a thar in lole thukham thar in kan zom ve thei thu fiang takin a sim. Thuthlung hlun le Thar hi kan khaikhin tikah a thar hi a hlun ai ih a that sawn thu kan hmusuak thei ding (Heb. 8:6).

[9.35]

A pahnihnak (Thuthlung Thar) kha a run theihter sal, ziangahtile a pakhatnak a rak sual ruangah a si.

Hebru 8:7
7. A hmaisa thukamnak ah famkim lonak um hlah sehla a neta deuh ih thukamnak cu a tul lo ding.

[9.36]

Thuthlung hlunih pek mi laksawng cu tisa dan le reilote sung thil a si, a sinan a thar sawn cun huham cahnak le kumkhaw nunnak in pe a si.

Hebru 7:16
16. Amah cu milai ih tuah mi nunphung len dan in puithiam a cang mi a silo; cemti a nei lo mi nunnak ih huham thawngin a cang mi a si.

[9.37]

Thuthlung hlun cun in tihhrut ter ih ruahsannak a fiang lo ter, a sinan a thar cu a tha sawn mi ruahsannak a run thlen.

Hebru 7:19
17. Ziangahtile Moses Dan in zianghman famkim in a tuah thei mi a um lo; cule a tu ahcun Pathian kan naih theinak dingah a tha deuh mi ruahsannak in pek zo.

Thuthlung hlun cu reilo te sung hrang, tawpcin nei a siih famkimnak ah in kaihruai thei lo.
Hebru 9:8-11
8. Hi bangtuk an tuah mi sungin Thlarau Thianghlim in fiang zetih a langter mi cu: puanthlam lengta deuh a um lai ahcun Hmun Thianghlim Bik fehnak lamzin a ong hrih lo, ti can a si.
9. Hi mi cu tahthimnak a si ih a tu kan san hi a sawh duh mi a si. A tican cu, Pathian hnenih pek mi laksawng le raithawinak tilva pawl in Pathian a betu pawl ih thinlung famkimin a tlengfai theilo, tinak a si.
10. Ziangahtile cui raithawinak pawl cu rawl le tidai le thianfainak ih tuah mi thawinak thawn a pehtlai aw mi an si. Cu pawl cu a lenglam dan lawnglawng an siih Pathianin ziang hmuahhmuah a tharin a rem hlan sung lawngih hman mi an si.
11. Sikhalsehla Khrih cu thil tha a um cia mi pawlih tlunah Puithiam sang si dingin a ra zo a si. A hnatuannak puantlam cu a tum sawnih a famkim fawn. Milai ih tuah mi puanthlam a si lo ih hi leilung tuah mi thil sungih a tel mi khal a silo.

[9.38]

A Thar Cun "Cem Theilo Nunnak" A Run Kengsuak.
Hebru 13:20
20. Raithawinak ih a nunnak a peknak thawngin Tukhal Lian kan Bawipa Jesuh cu Pathian in thihnak ihsin a thoter zo; cule a thihnak thawngin kunkhua thukamnak cu hnget ter mi a si zo.

[9.39]

Thuthlung hlun, lole an rak pehtlaih awknak kha a rak fek lo ih a thahnem lo.

Hebru 7:18
18. Curuangah Dan hlun cu san a tlai lo ih a thathnem nawn lo ruangah an hnong a si.

[9.40]

A Thar Cu A Cak Ih Puanzar Sung Tiang A Lut Thleng Thei.
Hebru 6:19
19. Hi ruahsannak hi kan nunnak hrangah long colhternak thirkawn bangtuk a si. Kan hrangah himnak le hnangamnak a si ruangah vancung biakinn puanzar kha lan tahrat in a sungih hmun thianghlim bik ah a thleng a si.

[9.41]

Thuthlung Hlun Cun Zianghman Ti Felfai Mi A Nei Lo.
Hebru 7:19
19. Ziangahtile Moses Dan in zianghman famkim in a tuah thei mi a um lo; cule a tu ahcun Pathian kan naih theinak dingah a tha deuh mi ruahsannak in pe zo.

[9.42]

Thuthlung Thar Cun Thil Ziangkim A Zaten A Ti Tlamtling.
Hebru 10:14
14. Veikhat raithawi nak ihsin a thlengfai mi pawl cu kumkhua mi famkimah a tuah a si.

[9.43]

Thuthlung Hlun Cu Rannung Thisen Ih Tacik Khen Mi A Si.
Hebru 9:18
18. Curuangah a si thukamnak hmaisa deuh hrang hmanah thisen thawn lawngin sullam a neihnak a si cu!

Hebru 9:20
20. Kan thlun dingah Pathian in thukamnak a lo pek mi a hngetter tu cu hi thisen hi a si, ti ah a ti.

[9.44]

Thuthlung Thar kha cu Pathian Fapa ih thisen in  khen a si.

Hebru 9:11
Sikhalsehla Khrih cu thil tha a um cia mi pawlih tlunah Puithiam sang ssi dingin a ra zo a si. A hnatuannak puantlam cu a tum sawnih a famkim fawn. Milai ih tuah mi puanthlam a si lo ih hi leilung tuah mi thil sungih a tel mi khal a silo.

Hebru 9:15
15. Cuti a si ruangah Pathian ih a kawh mi pawl in Pathian ih a kamcia mi kumkhaw thlawsuahnak an co theinak dingah thukamnak thar a ngaihtuah tu cu Khrih a si. Cumi a si theinak cu Khrih a thihnak thawngin a si. A thihnak in a hmaisa thukamnak hnuai an um lai ih an sualnak sung ihsin a luat ter a si.

[9.45]

Thuthlung Hlun Cun Sualnak Kha A La Hlo Theilo
Hebru 10:4
4. Ziangahtile cawcang thisen le me thisen in sualnak cu a tlengfai thei dah lo.

[9.46]

Thuthlung Thar ahcun sualnak pawl hi a kumkhua in hminsin a si nawn lo.

Hebru 8:12
An sualnak ka ngaidam dingih an mawhnak khal ka cing nawn lo ding, ti ah a ti.

[9.47]

Thuthlung Hlun kha cun kumkhaw nunnak lamzin a tarlang lo.

Hebru 9:8
8. Hi bangtuk an tuah mi sungin Thlarau Thianghlim in fiang zetih a langter mi cu: puanthlam lengta deuh a um lai ahcun Hmun Thianghlim Bik fehnak lamzin a ong hrih lo, ti can a si.

[9.48]

Thuthlung Thar cun kumkhaw nunnak kha a zate rori'n a langsuak ter.

Hebru 9:15
15. Cuti a si ruangah Pathian ih a kawh mi pawl in Pathian ih a kamcia mi kumkhaw thlawsuahnak an co theinak dingah thukamnak thar a ngaihtuah tu cu Khrih a si. Cumi si theinak cu Khrih a thihnak thawngin a si. A thihnak in a hmaisa thukamnak hnuai an um lai ih an sualnak sung ihsin a luatter a si.

[9.49]

Thuthlung Hlun sung ahcun dan thu le puithiam hnatuannak kha thlakthleng a rak theih.

Hebru 7:12
12. Puithiam sinak a thleng awk tikah dan khal a thlengawk a tul ve a si.

Thuthlung Thar ahcun puithiam hnatuannak kha a thlakthleng theih lo.

Hebru 7:24
24. Sikhalsehla Jesuh cu kum khua in a nungih kumkhua'n puithiam a si ringring.

[9.50]

Thuthlung Hlun ih puithiam tuanter awkdan kha cu dan fek in a silo.

Hebru 7:28
28. Moses Dan in mi famkim lo pawl kha puithiam sang ah a tuah. Sikhalsehla Moses  Dan hnu ih a ra mi tiamkamnak thawn tuah mi Pathian thukamnak in kumkhua in a famkim ih tuah mi a Fapa kha Puithiam Sangah a hril a si.

[9.51]

Thuthlung Thar cu Jesuh a siih amah kha thukham thar ih puithiam sang, Pathian thukamnak ih pek mi a si.

[9.52]

Cui Thuthlung Thar ih puithiam sang cu a famkim ih a kumkhua in thlacam saktu dingah a nung ringring a si.
 .
Hebru 7:25
25. Curuangah a tu le kumkhua in amai sungin Pathian a pantu pawl cu a run thei a si; ziangahtile kumkhua in a nun ruangah Pathian hnenah a dil sak ringring a si.

[9.53]

Thuthlung Hlun kha cu minung ih tuah cop mi leilung par thlam sungah a rak tul (Heb. 9:1,2) a sinan Khrih kha puithiam sangih a rat tik ahcun, a tlamtling sinsin ih minung kut pawlih tuah mi a si nawn lo.

Hebru 9:11
11. Sikhalsehla Khrih cu thil tha a umcia mi pawl ih tlunah Puithiam Sang si dingin a ra zo a si. A hnatuannak puanthlam cu a tum sawnih a famkim fawn. Milai ih tuah mi puanthlam a silo ih hi leilung tuah mi thil sungih a tel mi khal a silo.

[9.54]

Thuthlung Thar Sertu Cu Amah Pathian A Si
Hebru 8:2
2. Hmun Thianghlim bikah Puithiam Sang cu a tuan ih cui hmun cu minung ih sak mi puanthlam silo in Bawipa ih sak mi puanthlam ngaingai a si.

[9.55]

Thuthlung Hlun lole pehzom awknak neta bik tikcu can cu "kawhhran tuahthatnak can" tiang lawng a si.

Hebru 9:10
10. Ziangahtile cui raithawinak pawl cu rawl le tidai le thianfainak ih tuah mi thawinak thawn a pehtlai aw mi an si. Cu pawl cu a lenglam dan lawnglawng an siih Pathian in ziang hmuahhmuah a thar in a rem hlan sung lawngih hman mi an si.

[9.56]

Thuthlung Thar Cun A Netnak Tiang Kumkhua In A Tlai Ter
Hebru 13:20
20. Raithawinak ih a nunnak a peknak thawgin Tukhal Lian kan Bawipa Jesuh cu Pathian in thihnak ihsin a thoter zo; cule a thihnak thawngin kumkhua thukamnak cu hngehter mi a si zo.

[9.57]

Thuthlung Hlun Cun Ruahnak A Hlohter Thei Lo
Hebru 9:9
9. Hi mi cu tahthimnak a siih a tu kan san hi a sawh duh mi a si. A tican cu, Pathian hnenih pek mi laksawng le raithawinak tilva pawl in Pathian a betu pawlih thinlung famkim in a tlengfai thei lo, tinak a si.

[9.58]

Thuthlung Thar Cun Ruahnak Kha A Hlon Theh
Hebru 9:14
14. Cubangtuk in thianfainak a um thei a si ahcun ziangtluk in so Khrih ih thisen cun a thiangfai ter sinsin ding! Kumkhua ih a nung mi Thlarau sungin a famkim mi raithawinak ah amah le amah Pathian hnenah a pe aw a si. A nung mi Pathian hna kan tuan theinak dingah, a thahnem lo mi kan dan thlun kan duhnak thinlungih thilrit kha a thisen in in tlengfai sak ding a si.

[9.59]

Thuthlung Hlun Cu Pumruang Duhsan, Lole Thlarau Lamih Phenthlam Lawng A Si
Hebru 10:1
1. Judah mi pawlih Dan cun a ngaingai a si mi kha felte le kimte in a langter thei lo; a ra thleng ding mi thiltha ih thlam lawng a si. An tuah theu mi raithawinak kha kum tin ten an tuah ringring. Cutin a sile ziangtin so Dan ih a fial mi hi bangtuk raithawinak pawl hmangin Pathian a pantu minung pawl cu mi famkim ah a tuah thei ding?

[9.60]

Thuthlung Thar Cu Thil Umcia Mi, A Dik Mi Le Thlarau Lam Thil A Si
Hebru 10:9, 10
9. Cui hnu ah anih in, " Maw Pathian, na duh mi tuah dingah hinah ka um," ti ah a ti. Curuangah Pathian in raithawinak hlun pawl cu a hnong ih cui ai ah Khrih raithawinak a ret a si.
10. Ziangahtile Pathian in tuahter a duh mi Jesuh Khrih in atuah theh ruangah amai taksa pum kumkhua daih in a pek awknak thawngin kannih kan sualnak ihsin in tlengfai a si.

[9.61]

Thuthlung Hlun Thawn Pehtlaih Awknak Can A Cem Zo Ih A Ra Langsal Nawn Lo
Hebru 8:13
13. Hi bangtukin thukam thar thu Pathianin a sim ruangah a thukamnak a hmaisa cu a hlun ah a cang zo; cule a hlun zo mi le a tet zo mi pawl cu a rei hlanah an hloral ding a si.

[9.62]

Thuthlung Thar cu ziangtik hmanah a cuai theilo; a hning(thar) in kumkhua a hmun ringring ding a si.

Hebru 9:15
15. Cuti a si ruangah Pathian ih a kawh mi pawl in Pathian ih a kam cia mi kumkhaw thlawsuahnak an co theinak dingah thukamnak thar a ngaituahtu cu Khrih a si. Cumi a si theinak cu Khrih a thihnak thawngin a si. A thihnak in a hmaisa thukamnak hnuai an um lai ih an sualnak sung ihsin a luatter a si.

[9.63]

Thuthlung Hlun Kha Cu Vanlam Thucawncop
Hebru 8:4-5
4. Leilung parah um sehla puithiam a tuan lo ding, ziangahtile Judah dan in laksawng pek mi a aptu dingah puithiam dang an um a si.
5. Cuti leilungih puithiam an tuan mi cu vancungih puithiam tuannak ih a thlam lawng a si. Cuvek thotho in Moses ih thuhla khalah a si. Moses ih thukamnak puanthlam a sak zik tikah Pathian in a hnenah, "Tlang parih zohthim ding ka lo hmuh mi vek cekci in nan sak pei," a ti.

[9.64]

Thuthlung Thar Cu Vanlam Thil Fiangtertu A Si.
Hebru 9:23-24
23. Vancung mi ih a um mi thil an cawncop mi pawl cu cubangtuk ih tlengfai ter an tul. A sinan vancung ih a um mi a ngaingai a si mi khalin thawinak tha sinsin a tul a si.
24. Cui a ngaingai an cawncop mi thil, milai ih tuah mi Hmun Thianghlim sungah Khrih cu a lut lo. A luhnak cu vancung a siih a tu ah kan ai awh in Pathian hmaika ah a um a si.

[9.65]

Thuthlung Hlun Cun Zohman A Famkimter Thei Lo.
Hebru 10:1
1. Judah mi pawlih Dan cun a ngaingai a si mi kha felte le kimte in a hngetter thei lo; a ra thleng ding mi thil tha ih thlam lawng a si. An tuah theu mi raithawinak kha kumtin ten an tuah ringring. Cutin a sile ziangtin so Danih a fial mi hi bangtuk raithawinak pawl hmang in Pathian a pantu minung pawl cu mi famkim ah a tuah thei ding?

[9.66]

Thuthlung Thar cun Pathian ih hril mi pawl a tlamtling ter (Heb. 12:23, 13:21).

Hebru 9:11-15
11. 11. Sikhalsehla Khrih cu thil tha a um cia mi pawlih tlunah Puithiam sang si dingin a ra zo a si. A hnatuannak puantlam cu a tum sawnih a famkim fawn. Milai ih tuah mi puanthlam a si lo ih hi leilung tuah mi thil sungih a tel mi khal a silo.
12. Khrih cu cui puanthlam sungih a lutih Hmun Thianghlim Bik ah kumkhaw daih in a thlen tikah me thisen le cawcang thisen pawl kha raithawinak hrangah a keng lo; amai thisen sawn a kengih kan hrangah kum khua rundamnak a tuahsuak a si.
13. A thiang lomi senpi parah puithiam in me thisen le cawcang thisen le ur mi cawte ih vutcam pawl kha a theh ih cuti a tuahnak in an thianfai lonak hmuhahmuah a thianfai ter a si.
14. Cubangtuk in thianfainak a um thei a si ahcun ziangtluk in so Khrih ih thisen cun a thiangfai ter sinsin ding! Kumkhua ih a nung mi Thlarau sungin a famkim mi raithawinak ah amah le amah Pathian hnenah a pe aw a si. A nung mi Pathian hna kan tuan theinak dingah, a thahnem lo mi kan dan thlun kan duhnak thinlungih thilrit kha a thisen in in tlengfai sak ding a si.
15. Cuti a si ruangah Pathian ih a kawh mi pawl in Pathian ih a kam cia mi kumkhaw thlawsuahnak an co theinak dingah thukamnak thar a ngaituahtu cu Khrih a si. Cumi a si theinak cu Khrih a thihnak thawngin a si. A thihnak in a hmaisa thukamnak hnuai an um lai ih an sualnak sung ihsin a luatter a si.

Hebru 10:10
10. Ziangahtile Pathianin tuah ter a duh mi cu Jesuh Khrih in a tuah theh ruangah amai taksa pum kumkhua daih in a pek awknak thawngin kannih kan sualnak ihsin in tlengfai a si.

[9.67]

Thuthlung Hlun Cun Ziangvek Sualnak Hman A Lahlo Thei Lo.
Hebru 10:11
11. Judah puithiam pawlin an tuanvo cu ni tinte an tuah ih an pek theu mi raithawinak cu voi tampi an pek. Sikhalsehla raithawinak in sualnak cu a tlengfai dah lo.

[9.68]

Thuthlung Thar Sungih Umtu pawl Sualnak A Lakhlohsak Thluh
Hebru 10:17
17. Cui tlunah a simsal ih "An sualnak le an siatnak pawl cu ka cing nawn lo ding," ti ah a ti.

I Johan 1:7
7. Sikhalsehla amah cu tleunak sungih a um vekin kannih khal tleunak sungih kan um ahcun pakhat le pakhat pawlkomnak kan nei ih a Fapa Jesuh ih thisen in kan sualnak hmuahhmuah a tlengfai a si.


Thuthlung Hlun Cun Camsiatnak Hnuaiah Hna In Tuanter
Galati 3:10
10. Dan thlunnak a rinsan tu cu camsiatnak hnuai ih a um mi an si. Ziangahtile CaThianghlim in, "Zozo khal Dan ca uk sungih ngan mi vek rori ih a thlun ringring lotu cu Pathian ih camsiatnak hnuai ah an um a si," ti ah a ti.

[9.69]

Thuthlung Thar Cun Camsiatnak Ihsin Mi A Runsuak
Galati 3:13
13. Sihmansehla Khrih cu kan hrangaih camsiat mi asi ruangah Dan ih a thlenpi mi camsiatnak ihsin in runsuak zo. Ziangahtile CaThianghlim in, "Zo khal thing parih thlai a si mi cu Pathian camsiatnak cotu a si," ti ah a ti.

Thuthlung Hlun Cun Zohman Dingnak A Pe Dah Lo.
Galati 3:11
11. Ca Thianghlim in, "Zumnak ruangih Pathian thiamcoter mi lawng an nung ding," a ti ruangah Dan thlunnak in zohman thiamcoternak an ngah lo ti cu a fiang zo a si.

Galati 5:4
4. Nanmah lakah Dan thlun tahrat in Pathian hmai ah thiamcoternak ngah a tumtu cu Khrih thawn nan pehzomnak hri nan sattan zo a si. Culawng silo, Pathian zangfahnak ih lenglam ah nan thleng zo.

[9.70]

Thuthlung Thar Cun Khrih Rinsantu Pawl Dingfelnak A Pek
Galati 3:24
24. Curuangah zumnak thawngin Pathian hmai ih thiamcoter mi kan si lehnak dingah, Dan cu Khrih a rat hlan sung in khortu a si.

[9.71]

Thukham Hlun cu dan ih tuannak a si sikhalsehla Thukham Thar cu zumnak dan pumhlum a si.

Rom 3:27
27. Cuti a sile ziangtal kan porh awk dig a um maw? Um hrimhrim hlah! Ziangih ruangah so? Dan kan thlun ruangah maw? Si hlah! Kan zum ruangah a si.

Galati 3:19
19. Cuti a sile Dan ih tumtah mi ngaingai cu  ziangso a si? Sualnak timi hi ziangso a si ti langternak ah a siih Abraham tefa hnenah tiam cia mi a si vekin Abraham tefa a ra thlen tiang nung ringring dingih pek mi a si. Dan cu vancung mi pawl in minung  hnenah pek mi a siih vancung mi le minung karlak ah palai pakhat a um.

[9.72]

Thuthlung Hlun Cun Nunnak A Pe Thei llo.
Galati 3:21
21. Cuti a sile Dan le Pathian ih thukam cu an kalh aw maw si? Kalh aw hrimhrim hlah! Ziangahtile minung hnenah nunnak pe theitu dan rak um sehla, cui dan thlun in Pathian hmai ah thiamcoter an si theh ding.

[9.73]

Thuthlung Thar Cu " Thlarau Nunnak Dan A Si."
Rom 8:2
2. Ziangahtile Khrih Jesuh thawn peh zawmnak thawngin nunnak in petu Thlarau dan in sualnak le thihnak dan sung ihsin in luatter zo.

Thuthlung Hlun Cu Khrih A Rat Netabik Tiang Hrang Lawng A Si.
Galati 3:19
19. Cuti a sile Dan ih tumtah mi ngaingai cu ziangso a si? Sualnak timi hi ziangso a si ti langternak ah a si ih Abraham tefa hnenah tiam cia mi a si vekin Abraham tefa a ra thlen tiang nung ringring dingih pek mi a si. Dan cu vacungmi pawl in minung hnenah pek mi a siih vancung mi le minung karlak ah palai pakhat a um.

[9.74]

Thuthlung Thar Cu Kumkhua In A Hmun Ding.
Hebru 13:20
20. Raithawinak ih a nunnak a peknak thawngin Tukhal Lian kan Bawipa Jesuh cu Pathian in thihnak ihsin a thoter zo; cule a thihnak thawngin kumkhua thukamnak cu hngetter mi a si zo.

Thuphuan 14:6
6. Cule van ah a zam rero mi vancungmi pakhat ka hmu, Amah cu leilungtlun miphun kip, hrin kip, tong kip le ram kip hneah kumkhua ih hmun mi Thuthang Tha thantu a si.

[9.75]

Thuthlung Hlun Nunsimawknak Cun Khrih Hnenah Mi A Hruai
Galati 3:24
24. Curuangah zumnak thawngin Pathian hmai ih thiamcoter mi kan si lehnak dingah, Dan cu Khrih a rat hlan sung in khortu a si nawn lo.

[9.76]

Thuthlung Thar Cun Nunsimnak Huham Sung Ihsin In Hruaisuak.
Galati 3:25
25. A tu cu zumnak thawngin nan zaten Pathian ih fa nan siih Khrih Jesuh thawn nan pehzom aw zo.

[9.77]

Hagar Cu Thuthlung Hlun Hmuhsaknak A Si.
Galati 4:24
24. Hi pahnih thu thi tahthimnak ih hman thei mi an si. Nunau pahnih hi thukamnak pahnih an si. Sal tannak ih fa neitu Hagar cu Sinai tlangih pek mi thukamnak a si.

[9.78]

Sarah Cu Thuthlung Thar Hmuhsaknak A Si lâng tertu kha Sarah a si.
Galati 4:22-23
22. Dan ca uk cun, Abraham in fapa pahnih a nei; pakhat cu a salnu in a hrin ih a dang pakhat cu a luatmi nunau in a hrin a si, a ti.
23. Salnu ih hrin mipa cu fa dang hrin kel vekin hrin mi a si; sikhalsehla a luatmi nu ih hrin mi fapa cu Pathian thukamnak ruangih neih mi a si.

Galati 4:26
26. Sikhalsehla vancung Jerusalem cu a luat mi nu a si ih amah cu kan nu khal a si.

Thuthlung Hlun Cun Sal Tannak Fate Lawng A Hring Thei.
Galati 4:22-23
22. Dan ca uk cun, Abraham in fapa pahnih a nei; pakhat cu a salnu in a hrin ih a dang pakhat cu a luatmi nunau in a hrin a si, a ti.
23. Salnu ih hrin mipa cu fa dang hrin kel vekin hrin mi a si; sikhalsehla a luatmi nu ih hrin mi fapa cu Pathian thukamnak ruangih neih mi a si.
24. Hi pahnih thu thi tahthimnak ih hman thei mi an si. Nunau pahnih hi thukamnak pahnih an si. Sal tannak ih fa neitu Hagar cu Sinai tlangih pek mi thukamnak a si.
25. Arabia ram Sinai tlang ai ih a dingtu Hagar cu Jerusalem khawpi ai awhtu a si ih a fale pawl cu sal tannak sung um mi an si theh.

[9.79]

Thuthlung Thar Cun A Luatmi Fa Lawng A Hring Thei.
Galati 4:31
31. Curuangah ka u le ka nau tla, kannih cu salnu ih fa kan silo, a luat mi nu fa ka si,

Galati 5:1
1. Khrih in in luatter zo ih kan nih cu fa luat mi kan  si zo. Curuangah miluat nan sinak ah khan fekten ding uhla sal cang sal nawn hlah uh.

Thuthlung Hlun Cun Tisa Fate Lawng A Hringsuak.
Galati 4:23-25
23. Salnu ih hrin mipa cu fa dang hrin kel vekin hrin mi a si; sikhalsehla a luatmi nu ih hrin mi fapa cu Pathian thukamnak ruangih nei mi a si.
24. Hi pahnih thu thi tahthimnak ih hman thei mi an si. Nunau pahnih hi thukamnak pahnih an si. Sal tannak ih fa neitu Hagar cu Sinai tlangih pek mi thukamnak a si.
25. Arabia ram Sinai tlang ai ih a dingtu Hagar cu Jerusalem khawpi ai
awhtu a siih a fale pawl cu sal tannak sung um mi an si theh.

[9.80]

Thuthlung Thar Cun Thlarau Fa Tampi A Hring
Rom 8:9-10
9. Sikhalsehla nannih cu nan minung sinak ih duh mi vekin nan nung lo; Pathianih Thlarau cu nan sungih a um taktak a si ahcun Thlarau ih fial mi vekin nan nung sawn ding a si. Zokhal Khrih ih Thlarau a neilo tu cu Khrih ta a si lo.
10. Khrih nansung ih a nun ahcun Thlarau cu nan hrangah nunnak a si; ziangahtile sualnak ruangah nan ruangpi cu a thi ding na in nannih cu Pathian thawn remter mi nan si zo.

Galati 4:4-7
4. Sikhalsehla tikcu tin ni can  a ra thlen tikah Pathian in a Fapa a run thlah. Nunau sungihsin a suak ih Judah dan hnuai ah a nung.
5. Cumi cu Dan hnuai ih a um mi pawl tlen dingah le Pathian fa ih kan can theinak dingah a si.
6. Cule a fale nan si langternak ah Pathianin a Fapa ih Thlarau cu kan thinlung sungah a run thlah. Kan thinlung ihsin " Ka Pa, Ka Pa," ti ah a autu cu cui Thlarau cu a si.


Thuthlung Hlun Cu Mak Zo Mi Nupi Vek A Si.
Galati 4:30-31
30. Asinan Ca Thianghlim sungah ziangtin so a um? "Salnu le a  fapa cu dawi hlo aw; ziangahtile salnu ih fapa leh a luatmi nu ih fapa cu an pa ih roco tlangtu an si theilo ding," ti in a um.
31. Curuangah ka u le ka nau tla, kannih cu sal ih fa kan si lo, a luatmi nu ih fa kan si.

[9.81]

Thuthlung Thar Cu Miluat Nu Le Maklo Mi Nupi Vekih Tarlang A Si.
Galatia 4:30-31
30 Sihmansehla Cathianghlim in ziang a sim? salnu le a fapa kha dawisuak aw: ziangahtile salnu ih fapa hin miluat nui fapa cu ro a copi lo ding, tiin.
31 Cuti a si ahcun, u le nau tla, kannih hi salnu ih fa kan silo, miluat nui fa kan si sawn a si.

Thuthlung hlun ih mipawl cu tu ah "Khrih ihsin a hranten" an um a si.

Galatia 5:4
Nan lakih mi zokhal daan ihsi thiam co tum tupawl cu Khrih thawn nan then aw a si; zangfahnak cu nan tluk san zo.

[9.82]

Thuthlung Thar ih mipawl cu Khrih thawn ro cotlangtu ding an si.

Rom 8:17
Cun fa kan si ahcun, ro cotu kan si; Pathian ro cotu, Khrih thawi roco tlangtu kan si; amah thawi sunlawih tlang kan si ve theinak dingah amah thawn kan tuar tlang taktak a si ahcun.

Thuthlung Hlun cu mi thattu dan ih ca a si.

2 Korin 3:6
Amah thotho in thuthlung thar ih rongbawltu si thei dingah in tuah; ca ih rongbawltu si loin, thlarau ih rongbawltu sawnah: ziangahtile ca cun a that, a sinan thlarau cun nunnak a pe.

[9.83]

Thuthlung Thar cu Thlarau Ih Hnatuannak A Si.
2 Korin 3:8
Thlarau ih rongbawlnak cu ziangtin a sunglawi sawn lo ding?

Thuthlung Hlun cu lungphek parih ngan mi a si.

Daanpeksalnak 9:10
Cun BAWIPA in kan hnenah Pathian kutzung ih ngan mi lungphek pahnih cu in pe; cun cupawl par ahcun pumkhawmawk ni ih tlangpar meisa sung ihsin BAWIPA ih na hnenih a tong mi, thupawl hmuahhmuah vekin ngan a si.

2 Korin 3:7
Sikhalsehla thihnak ih rongbawlnak, lungto parih ngan mi le kher mi, cu a sunlawi tuk ruangah, Israel fate pawl in a hlo cuahco mi, a hmel sunlawinak ruangah, Moses ih hmel cu an zoh ringring theilo a si ahcun:

[9.84]

Thuthlung Thar cu minung thinlung phek parih ngan a si.

Jeremiah 31:31-33
31 Ngaihnik, Israel insang le Judah insang thawn thukham thar ka tuah ding ni a ra thleng ding, Bawipa in a
ti:
32 Izip ram ihsin hruaisuak dingah an kut in ka rak kaih ni ih an pa le pawl hnenih ka rak tuah mi ka thukham vek cu si loin; kei cu an hrangah pasal ka si na cingin, cui ka thukham cu an pahbal thotho, Bawipa in a ti.
33 A sinan Israel insang thawi ka tuah ding mi thukham cu hihi a si ding; Cui nipawl hnu ahcun, Bawipa in a ti, ka daan cu an sung muril ah ka ret ding ih, an thinlung ah ka ngan ding; cutin kei hi an Pathian ka si ding ih annih cu ka mi an si ding.

2 Korin 3:3
Nannih cu Khrih ih cakuat, kanma’i `uan suah mi, cati ih ngan mi si lo, a nung mi Pathian ih Thlarau sawnih ngan mi, lungphek parah si lo, tisa thinlung phek par sawnih ngan mi nan si, ti cu fiang zetin a lang a si.

Thuthlung Hlun Ih Sunlawinak A Cem
2 Korin 3:10-11
10 Ziangahtile cui ropi hleice sunlawinak ruangah, sunlawiter cia mi hmanin hi thu ah sunlawinak hrimhrim a nei lo.
11 Ziangahtile a hlo cuahco mi hman a sunglawi a si ahcun, a hmun mi cu tampi a sunglawi sawn a si.

Rom 2:28-29
28 Ziangahtile lenglam men ih Judah mi si cu, Judah mi taktak a silo; leng lam taksa men serhtan khal hi
serhtan taktak a si lo:
29 Asinan sung lamih Judah mi si cu, Judah mi taktak a si; serhtan taktak cu thinlung serhtan a siih, thlarau ah a si, ca menah a si lo; anih cun minung cawimawi si loin, Pathian cawimawi sawn a hlawh.

[9.85]

Thukham Thar Ih Sunlawinak Cu A Hmun Kumkhua
2 Korin 3:8
Thlarau ih hnatuannak cu ziangtin a sunglawi sawn lo ding?

2 Korin 3:10-11
10 Ziangahtile cui ropi hleice sunlawinak ruangah, sunlawiter cia mi hmanin hi thu ah sunlawinak hrimhrim a nei lo.
11 Ziangahtile a hlo cuahco mi hman a sunglawi a si ahcun, a hmun mi cu tampi a sunglawi sawn a si.

Thukham hlun cu thiamlo coternak ih rongbawlnak a si ih, Thukham thar cu dingfelnak ih rawngbawlnak a si.

2 Korin 3:9
Ziangahtile, thiamlocoternak ih rawngbawlnak hman a sunlawi ahcun, dingfelnak ih hnatuannak cu sunlawinak ah a nasa sawn lutuk ding a si.

[9.86]

Hi thukham a silole thuthlung pahnih cu khaikhin a si zo ruangah, dan thuthlung hlun thenhrek khat ti famkimter tumnak ahcun cui dan thu thlun famkim theinak dingah ruahsannak hrimhrim a um lo a si tiin kan ti thei a si. Hi tumtahnak ih a rahsuak mi cu tlaksiatnak le Pathian hnen ihsi thenawknak lawng hi a si. Curuangah thukham hlun ihsin kan co mi cu a famkim lo mi hnatuan hmuahhmuah, cupawl cu, a famkim lo mi thuphuannak, thuanthu le thinlung lam thu, thukham thar theihthiamnak ding le tifamkimnak ding hrangih a tul mi pawl tla hi an si, amai sungih um saltannak sungih mi hruai theitu dan cu zianghman a somdawl ve thung lo a si. Dan ih kaihhruai mi a si lole kilkhawi mi si loin, Thlarau Thianghlim ih zirh mi, hruai mi le kilkhawi mi kan si sawn ding a si.

Thukham Thar Dan

[9.87]

Thuthlung hlun ih dan cu Sinai tlang zim ih lungto parih kher mi a si ih, cui dan cun a thlun lo tu zate parah camsiatnak a thlen a si. Cui dan cun milai sualnak le Pathian hmaiih ruahsan ding a um lo mi milai dinhmun a langter ih, milai rundamnak hrangih a tul mi ngaidamnak a si lole remawk salnak cu a run keng lo a si. Thuthlung thar cu thuthlung hlun thawn zomawknak nei lo mi, a dang pumhlum mi thuthlung, thutiam tha sawn parih din mi a si. Thuthlung hlun cun Pathian ih thuthennak ah a langte sung engthawlnak mi a pe ih, thuthlung thar cun Pathian zangfahnak ih zarah kumkhaw ngaidamnak le rundamnak mi a pe ih, thuthlung hlun thawn bang aw loin, thuthlung thar cu milai thinlung ah ngan in a um a si.

Jeremiah 31:31-34
31 Ngaihnik, Israel insang le Judah insang thawn thukham thar ka tuah ding ni a ra thleng ding, Bawipa in a ti:
32 Izip ram ihsin hruaisuak dingah an kut in ka rak kaih ni ih an pa le pawl hnenih ka rak tuah mi ka thukham vek cu si loin; kei cu an hrangah pasal ka si na cingin, cui ka thukham cu an pahbal thotho, Lalpa in a ti.
33 A sinan Israel insang thawi ka tuah ding mi thukham cu hihi a si ding; Cui nipawl hnu ahcun, Lalpa in a ti, ka dan cu an sung muril ah ka ret ding ih, an thinlung ah ka ngan ding; cutin kei hi an Pathian ka si ding ih annih cu ka mi an si ding.
34 Cun mi zokhal in, Bawipa thei aw, tiin mai inhnen le mai unau an zirh nawn lo ding: ziangahtile a te bik ihsin a tum bik tiang, an zaten in thei thluh ding a si, Bawipa in a ti: ziangahtile an dik lonak ka ngaidam ding ih, an sualnak ka cing nawn lo ding.

[9.88]

A tlun ih thutiam pawl cu Israel le Judah hnenih tuah mi a si, a sinan Israel a si lole Judah miphun hrang lawng ih tuah mi a silo, ziangahtile Israel mi hmuahhmuah hi Israel an si lo, Khrih ih puithiam thianghlim ih a tel mi hmuahhmuah hi Israel an si sawn, hi pawl hi Israel thar ih miphun thar, Pathian ih hnam thlan cu an si.

Rom 9:6
6 Pathian thu cu thathnemnak nei lo vek a si lo. Ziangahtile Israel mi hmuahhmuah cu Israel an si lo:

[9.89]

Kawhhran kan si vekin, tuisan ah kannih cu miphun thianghlim pakhat kan si, miphun dangdang kan si nawn lo, Judah mi mi thar, cucu, tuisan ih hnamthlan, hnam tin, miphun tin le ram tin ihsi ra kan si sawn. Cupawl cu Khrih ih an zumnak ihsin tithianghlim mi pawl cu an si. Mi piangthar pawl cu Pathian ih fa, rosar fale Pathian insang ih pehzom mi le Pathian in insang diktak ih tel ve an si, insang ih mi kan si vekin, "kan Pa" tiin thla kan cam a si.

1 Piter 2:9
9 Sihmansehla, nannih cu hnam hril, lal hrin puithiam, miphun thianghlim, le mi hleice nan si; thim sung ihsin a mangbangza eng sungih a lo kotui cawimawinak cu nan lang suakter theinak dingah:

Rom 15:16
16 Zentelpawl ih hlanawknak cu, Thlarau Thianghlim ih ti thianhlim mi, cohlan tlak a si theinak dingah, Pathian  thuthang tha rongbawl in, Zentel pawl hnenih Jesuh Khrih rongbawltu ka si theinak dingah.

Rom 8:16-17
16 Thlarau rori in kan thlarau thawn, Pathian fa kan si ti in theihter:
17 Cun fa kan si ahcun, ro cotu kan si; Pathian ro cotu, Khrih thawi roco tlangtu kan si; amah thawi sunloih tlang kan si ve theinak dingah amah thawn kan tuar tlang taktak a si ahcun.

Galatia 4:4-7
4 A sinan a tikcu a kim ngah tikah, Pathian in a Fapa cu, nunau hrin, dan hnuaiah suakin, a run thlah,
5 Fa ih pomnak kan co theinak dingah, daan hnuaiih um mipawl tlen dingah.
6 Cun fa nan si ruangah, Pathian in a Fapa ih Thlarau cu, Abba, ka Pa, tiih au in, nan thinlung sungah a run thlah.
7 Curuangah nang cu siahhlawh na si nawn lo, fapa na si sawn; cun fa na si ahcun, Khrih zarah Pathian ro cotu na si.

Galati 4:30-31
30 Sihmansehla Cathianghlim in ziang a sim? salnu le a fapa kha dawi suak aw: ziangahtile salnu ih fapa hin miluat nui fapa cu ro a copi lo ding, tiin.
31 Cuti a si ahcun, u le nau tla, kannih hi salnu ih fa kan si lo, miluat nui fa kan si sawn a si.

[9.90]

Hi Thuthlung Thar, miphun thianghlim ih co mi cu, Khrih ih thinlung pakhat, pumkhat le Thlarau thar a si.

Ezekiel 11:18-20
18 Cun annih cu cutawk ah an ra dingih, cutawk ih thil borhhlawh pawl hmuahhmuah cu an hlonhlo thluh dingih, cutawk ih ten umza pawl hmuahhmuah cu cutawk ihsin an hlonhlo thluh ding a si.
19 Cun thinlung pakhat kei in ka pe hai dingih, nan sungah thlarau thar ka ret ding; cun an taksa ihta lungto thinlung cu ka la dingih tisa thinlung ka pe hai ding a si;
20 Cutin annih cun ka thupek pawl an zawh dingih, kan dan pawl an thlun dingih an tuah ding: cule annih cu ka mi an si dingih, kei cu an Pathian ka si ding.

[9.91]

Bawipa in thuthlung hmaisa cu Israel hnam hnen ihsin a la hlo zo, cutin a pahnihnak a din theinak dingah, cucu, thuthlung thar a siih, Anih cu cui thuthlung thar ih remreltu a si.

Hebru 10:9-10
9 Cutikah, Ngaihnik, na duh mi tuah dingin ka ra, maw Pathian, a ti. A pahnihnak a din theinak dingah, a pakhatnak cu a la hlo a si.
10 Cui duhnak zarah Jesuh Khrih ih taksa vawi khat hlanawknak ruangah tithianghlim in kan um.  

[9.92]

Thuthlung Hlun cu thukham pahra (10) parah a thum aw, a sinan thuthlung thar cu Pathian le minung parih tuanvo thupek pahnih parah a thum aw a si.

Johan 13:34-35
34 Thupek thar nan hnenah ka lo pe, Cutin pakhat le pakhat duhdaw aw uh; keimah ih ka lo duhdawt vekin, nannih khal pakhat le pakhat nan duhdawt awk theinak dingah.
35 Hi mi ihsin mi hmuahhmuah in nannih cu ka dungthluntu nan si ti an lo thei ding, pakhat le pakhat nan duhdawt awk a si ahcun.

Matthai 22:37-40
37 Jesuh in a hnenah, Bawipa na Pathian cu na thinlung zaten, le na nunnak zaten, le na ruahnak zaten na duhdawt ding.
38 Hihi a pakhatnak le a tumbik mi thupek a si.
39 Cun a pahnihnak cu cuvek thotho cu a si, Na inhnen cu nangmah na duhdawt awk vekin nan duhdawt ding.
40 Hi thupek pahnih par ahhin dan le profet pawl ih sim mi hmuahhmuah a thum aw a si, a ti.

Johan 15: 12-13
12 Hihi ka thupek a si, Cucu keimah ih ka lo duhdawt vekin, pakhat le pakhat nan duhdawt awk ding hi.
13 Mi pakhat in a rualpi pawl hrangih a nunnak a liam aiih a tum sawm mi duhdawtnak zohman in an nei thei lo.

[9.93]

Mi tampi cun thuthlung hlun ih dan pawl bansan hi a poinak a um lo, thatuk, a sinan thupek pahra cu ban san loin, an ti mai thei. Hi dinhmun a kaihnget tu pawl hin thuthlung hlun ih Sabbath bansannak dingah thiamcoh awknak ding tongkam zianghman an nei lo ding. Mi tampi cun Khrih cu karkhat ih ni hmaisa bik ah a thosal, curuangah Thuthlung Hlun dan, cucu thupek pahra kan botsia thei ih, thupek thar kan tarlang thei tin zumnak an nei a si.

Thupek pahra lakih pakhat a si lole cuhnak ih tam thlun kan duh a sile, a zaten kan thlun thluh lawlaw lo ding maw?

Jeim 2:10
10 Zokhal dan pumten a thlun thluhih, a sinan pakhat te a botsia a si ahcun, cupa cu a zate parah mawh nei a si.

Kan thlun lo a sile, a zatei botse tu kan si lo ding a silo maw?

Duhdawtnak Cu Pathian Ih Thupek A Si

[9.94]

Duhdawtnak cun midang a tuahmawh lo ih, Pathian a cawimawi ruangah, cucun dan a ti famkim a si.

Rom 13:8-10
8 Pakhat le pakhat duhdawt awk ding siar lo, zo hnen hmanah thil ziang khal leiba nei hlah uh: ziangahtile mi dang a duhdawttu cun daan a ti famkim a si.
9 Ziangahtile hi, Na uire lo ding, Lai na that lo ding, Ruk na ru lo ding, Theihpitu dik lo na si lo ding, Mi thil na daw lo ding;  ti mi tlunah thupek dang ziangkhal a um a sile, hi thu, Nangmah le nangmah na duhdawt awk vekin na inhnen na duhdawt ding, hin a khaikhawm thluh.
10 Duhdawtnak cun a inhnen parah siatnak zianghman a tuah lo: curuangah duhdawtnak cu dan zawh famkimnak a si.

Hminsin: Moses ih daan, cucu thupek pahra a si, thu ah felfai zetin hi cabu ah tarlang a si.

[9.95]

Duhdawtnak cu tuah aw ti le tuah aw hlah ti thu a silo, duhdawtnak cu lamzin, nunnak lamzin, Pathian hnen thlennak nunnak lamzin a si. Korin kuat khat bung hlei hnih cang neta bik ah, "Nan hnenah lamzin tha hleice ka lo hmuh hrih ding" a ti. Cui lamzin cu ziang a si?

1 Korin 13 NKJV
1 Milai tong le vancungmi pawl tongin tong hman ningla, duhdawtnak ka neih lo ahcun, dar awn ruri a si lole darsumsel awn ruri vek men ka si ding.
2 Cun thuphuan theinak thilpek neiin, thuthup hmuahhmuah le theihnak hmuahhmuah thei thluh hman ningla, cun tlang thawn thei khawp in rinnak hmuahhmuah nei hman ningla, duhdawtnak ka neih lo ahcun, zianghman lo men ka si ding.
3 Cun ka thilri hmuahhmuah hi mifarah cawmnak ah pe thluh in, ka taksa khal hi urkang dingah pe hman ningla, duhdawtnak ka neih lo ahcun, ka hrangah zianghman a thahnem lo ding.
4 Duhdawtnak cu a thin a sau ih, ngil a nei; duhdawtnak cun a iksik lo; duhdawtnak cu amahte a pawrh aw lo ih, a hngal fawn lo,
5 Mawi loin a nungcang lo, amai tanghma a sial lo, olten a thin a heng lo, thil tha lo a ruat lo;
6 Dik lonak ah a lung a awi lo ih, thudik sawn ahcun a lung a awi;
7 Thil ziangkim a zawi hramhram ih, thil ziangkim a zum, thil ziangkim a ruahsan ih, thil ziangkim a tuarsuak theu.
8 Duhdawtnak cu ziangtik hmanah a cem lo ding: a sinan thuphuannak pawl cu um hman hai sehla, an cem leh ding; tong dangdang um hman hai sehla, an ral leh ding; theihnak hi um hman sehla, a cemral leh ding.
9 Ziangahtile a kim loin kan thei ih, a kim loin kan phuang.
10 A sinan a famkim mi a ra thlen tik ahcun, a famkim lo mi hi hlohter a si ding.
11 Nauhak ka si lai ahcun, nauhak vekin ka rak tong, nauhak vekin ka thei ih, nauhak vekin ka ruat: a sinan ka upat tik ahcun, nauhak thilpawl cu ka hlon thluh.
12 Zingahtile tu ahcun thlalang in a rau te kan hmu; a sinan cui can ahcun hmaiton in kan hmu ding: tu ahcun famkim loin ka thei; a sinan cui can ahcun keimah khal theih ka si vekin, ka thei leh ding a si.
13 Cun tu ah rinnak, ruahsannak, duhdawtnak, thil pathum an um; a sinan hi pawl lakih tum bik cu duhdawtnak a si.

Lamzin

[9.96]

"Lamzin" cu zinpi, zin a silole khualtlawnnak a si. Cui lamzin cu Khirh hnenih a hlan aw mi pohpoh ih zawh ding mi a si. Cui zin tan tir ahcun "cui lamzin ih ding," khualtlawnpi a si lo mi, mi tlubah tertu, dawnkhamtu, Tyrannus tlawngih Paul ih a do mipawl vek, an rakum theu a si.

Dungthluntu 19:9
9 A sinan mi hrekkhat cu an lung hahter a si ih, an zum lo, mipi hmaiah cui lamzin thu an relse sawn, anih in a tlansan hai ih dungthluntu pawl cu a dangten a umter, cun Turannus tlawngin ah nitinte’n thu a sim ringring.

[9.97]

Cui "lamzin" a zawhtu zumtu diktak pawl cu mi in an hmu sual ih an hrem theu a si.

Dungthluntu 19:23
23 Culaiah cui lamzin thu ah buainak nasa tak a suak.

2 Timote 3:12
12 A si, Khrih Jesuh ih Pathian ngaihsak ih a nung mipawl hmuahhmuah cun hremnak an tuar ding a si.

[9.98]

An thusim mi cu kham theih a si lo: zumlotu an si ko nan, an lakih mitampi cu thim sungah an um hrih lai ko nan, uktu pawl le bawipawl khal in an rak ngai ih cui "lamzin" thu cu an rak thei ve a si.

Dungthluntu 24:22
22 Cun Felix in hi thupawl a theih tikah, cui lamzin thu a thei famkim sinsin ih, a fehter hai, cule, Ralkap hotu lu bik Lusias a rung thlen tik lawngah, nan thuhla felten ka thei ding, a ti.

[9.99]

Tuisan mi tampi cun dan an pom lai hrih, dan hlun ca in Pathian an rian lai hrih, Thlarau ih titharnak in si lo in.

Rom 7:6
6 A sinan tu ahcun mi thi ih kaih tang kan rak sinak dan ihsin lak suah kan si zo; cuticun ca ngan hlun vek si lo, thlarau thar sawn in rong kan bawl theinak dingah.

Rom 8:1-4
8:1 Curuangah tu ah Khrih Jesuh ih um, tisa dan ih feh lo, Thlarau dan sawnih fehtu pawl hrang ahcun thiamlo coternak hrimhrim a um lo.
2 Ziangahtile Khrih Jesuh sungih nunnak Thlarau ih dan cun sual le thihnak dan ihsin i luatter zo.
3 Ziangahtile tisa ruangih a tawntai mi dan ih a tuah thei lo mi cu tuah dingin, Pathian in ama’i Fapa rori cu sual tisa pian kengin a run thlah ih, sual thu ah sual cu tisa ah thiam lo a coter:
4 Cuticun dan ih phutmi dingfelnak cu tisa dan ih feh lo, Thlarau dan sawnih fehtu kanmah ah a famkim
theinak dingah.

[9.100]

Pathian ih daan cu tu ah kan thinlung parih ngan a si zo ruangah, thil tha le thil sia thleidannak dingah ziang thupek hman kan tul nawn lo a si. Thutak Thlarau, Thlarau Thianghlim cu kanmah zirhtu ding, kaihruaitu ding le kan nunnak dan ding Pathian ih duhzawng in theihtertu dingah pek a si zo a si.

Johan 14:26
26 A sinan Thlangamtertu, Thlarau Thianghlim, Pa in ka hmin in a run thlah ding mi cun thil ziangkim a lo zirh dingih, nan hnenih ka rak lo sim zo mi ziangkhal, thil ziangkim cu a lo mangter sal ding a si.

Johan 16:13
13 Sihmansehla thutak Thlarau, anih a rung thlen tik ahcun, thutak hmuahhmuah ah a lo hruai lut ding: ziangahtile anih cun amai thu in thu a sim lo ding; a theih mi pohpoh cu a sim sawn ding: cule thil ra thleng ding pawl a lo hmuh ding a si.

Thuthlung Hlun Le Thuthlung Thar

[9.101]

Hi thuthlung pahnih hin bangawklonak an nei ih, hi an bangawklonak hi kan theihthiam a tul. A hmaisa sawn hi hnam hleihnih a si mi, miphun pakhat, hmun khat ih um le nunphung pakhat le hruaitu pakhat a nei mi hnenih pek mi a si. A pahnihnak cu leitlun ih um hnam tin, miphun tin le ram tin ihsi a ra suak khawm mi le miphun thianghlim pakhat ih a finkhawm aw mi, leitlun pumpi ih puithiampawl hnenih pek mi a si. Cui ram cu an zaten a uktu kumkhua Siangpahrang pakhat ih uknak in a feh mi a si. A pakhatnak thuthlung cun kumtin ten kan neih mi ih thenhra thenkhat cu Pathian hnenih pek ding in phut a si.

Danpeksalnak 14:22-29
22 Kumtin te lo ih a suah mi, na thlaici rahsuak hmuahhmuah cu then hra ih then khat na pe tengteng ding.
23 Cun na buh then hra ih then khat siseh, kerep ti then hra ih then khat siseh, na hriak then hra ih then khat siseh, na ranrual le na tuurual fatir pawl siseh, Bawipa na Pathian hmaiah, a hmin retnak dingih a hril ding mi hmunah, na ei ding a si; cuti cun Bawipa na Pathian tih ringring dan na zir theinak dingah.
24 Cun Bawipa na Pathian in mal a lo sawm tikah, na hrangah lam a hlat tuk ruangah cucu na phur thei lo a sile; a si lole Bawipa na Pathian in a hmin retnak dingih a hril ding mi hmun cu na umnak ihsin a hla tuk a sile:
25 Cucu paisa ah na can ding ih, cui paisa cu na kutah kengin, Bawipa na Pathian ih a hril ding mi hmunah na feh ding:
26 Cun cui paisa in na thinlung ih a hiar mi pohpoh, cawcang siseh, tuu siseh, kerep ti siseh, kerep ti cang siseh, na thinlung ih a hiar mi pohpoh siseh, na lei ding: cun cutawkah Bawipa na Pathian hmaiah na ei ding ih, na lung a awi ding, nangmah le na sungkua,
27 Le na kawtka sungih um Levi mi thawn; anih cu na thlauthla lo ding; ziangahtile anih in na hnenah covo le roco mi zianghman a nei lo.
28 Kum thum a cemnak ah cui kumih na ngah mi then hra ih then khat zaten na suah ding ih, na kawtka sungah na ret ding:
29 Cun na kawtka sungih um, Levi mi, (anih in na hnenah covo le roco mi zianghman a neih lo ruangah,) le mikhual, le pa nei lo, le nuhmeipawl cu an ra ding, cule an ei ding ih, an tlai ding; cuticun Bawipa na Pathian in na tuah mi na kutih tuan mi hmuahhmuah ah mal a lo sawm ding a si.

Thuthlung Thar cun mitin ih tul dan ih zirin pek dingah in phut a si.

Dungthluntu 2:45
45 Cun an neih mi pawl le an thilri pawl cu an zuar ih, mitin ih tul dan ih zirin an zate lakah an zem a si.

[9.102]

Thuthlung Hmaisa Cun Pathian Hnen Fatir Hlan A Phut
Suahlannak 13:2
2 Fatir hmuahhmuah cu ka hrangah thianghlimter aw, Israel fate lakih sul ongtu pohpoh, minung siseh, rannung siseh: cucu keimai ta a si.

A Pahnihnak Cun Mitin Hlanawk Ding A Phut
Rom 12:1
12:1 Cuiruangah u le nau pawl, Pathian ngilneihnak ruangah, nan taksa ruangpi cu a nung mi, a thianghlim mi, le Pathian ih cohlan tlak a si mi raithawinak ah hlan dingin, ka lo ngen a si, cucu nan rongbawlnak awm hrimhrim a si.
1 Korin 6:19-20
19 A sile ziangtin? Nan taksa cu, Pathian hnen ihsin nan neih mi nan sungih um Thlarau Thianghlim ih
tempal a si ti, le nannih cu nanma’i ta nan si lo, ti hi nan thei lo maw si?
20 Ziangahtile nannih cu man ih lei mi nan si: cuiruangah Pathian ihta a si mi nan taksa le nan thlarau in
Pathian cu sunlawih uh.

[9.103]

A Hmaisa Cun Sabath Ni Colh Ding Le Biak Ding A Phut
Suahlannak 20:10-11
10 Asinan ni sarihnak cu Lalpa na Pathian ih sabbath a si: cui ni ahcun ziang hna hman na tuan lo ding,
nangmah in siseh, na fapa in siseh, na fanu in siseh, na salpa in siseh, na salnu in siseh, na rannung in
siseh, na kawtka sungih um na mikhual in siseh:
11 Ziangahtile Lalpa in ni ruk sung lei le van, tifinriat, le cupawl sungih um mi hmuahhmuah a tuah ih, a ni sarihnak ah a cawl a si: cuiruangah Lalpa in sabbath ni cu mal a sawm ih, a tithianghlim a si.

[9.104]

A Neta Cun Nitin Colh Le Biak A Phut
Matthai 11:28-30
28 Zonzaih a tuar mi le thilrit a phur mi hmuahhmuah tla ka hnenah ra uh, colh hahdamnak ka lo pe ding.
29 Ka kawn hi phur uhla, ka hnenin zir uh; ziangahtile kei cu mi nunnem le thinlung hnuaidor mi ka si: cuticun nan nunnak hrangah cawlh hahdamnak nan hmu ding.
30 Ziangahtile ka kawn cu a phurh a nuam ih, ka phur khal a zang a si.

Rom 14:5
5 Mi pakhat in ni khat cu ni dang hnakin a ngai thupi cuang: a dang pakhat in ni hmuahhmuah hi bangaw in a ruat. Mitin mai ruahnak ah theifiang aw seh.

[9.105]

A Hmaisa Cun Hnam Hlei Hnih Sungih Hnam Khat Puithiam Ah A Hril
Daanpeksalnak 10:8
8 Cu laiah Bawipa in Levi hrin cu Bawipai thukham kuang phurtu dingah, a rongbawl dingin Bawipai hmai ih dingtu dingah, le amai hmin in malsawmtu dingah, tui ni tiangin a ret hran.

A Neta Cun Zumtu Zaten Puithiam Dingah A Sawm
1 Piter 2:5
5 Nannih khal, a nung mi lung vekin, thlarau lam iin ah remsoh in nan um, puithiam thianghlim, Jesuh Khrih zarah Pathian cohlan tlak thlarau lam raithawinak hlantu ding nan si.

[9.106]

Thuthlung Hlun Cun Pathian Thluntu Dingah Miphun Pakhat Lawng A Hril
Semtirnak 12:1-2
1 Tu ah Bawipa in Abram hnenah, Na ram ihsin, le na laicin hnen ihsin, le na pai iin ihsin, ka lo hmuh ding mi ram ah fehsuak aw:
2 Cutin miphun ropi ah lo tuah in, mal ka lo sawm dingih, na hmin ka ti ropi ding; cutin nang cu malsawmnak na si ding:

[9.107]

Thuthlung Thar Cun Pathian Thluntu Dingah Ramtin Mi Hmuahhmuah A Sawm
2 Piter 3:9
9 Mi hrekkhat in muangih an ruah vekin, Bawipa cu a thutiam mi ah a muang lo; a sinan zohman an hlohral ding a duh lo ih, mi hmuahhmuah an sirawk ding a duh sawn ruangah kan lamah thinsau in a um a si sawn.

[9.108]

An bangawklonak cu a tamtuk, famkim takih tarlang ding cun a tamtuk. Thuthlung hlun cu thuthlung thar ih lungphum a silo, cu mi par khalah thuthlung thar hi din a si fawn lo. Kawhhran cu Jesuh ihsin a thok. Anih cu a kil ih lungphum, khawhhran dinnak ih lungphum hmaisa bik a siih, dungthluntu pawl hi a tanglai mi lungphum cu an si.

Daan Si Lo, Duhdawtnak Sawn

[9.109]

Thuthlung thar cu Moses ih dan, cucu thupek pahra a si lole Puithiam hnatuannak dan pawl an si, ih hram a bun aw lo. Thuthlung thar cu duhdawtnak parah din mi a si. Dan zaten cu mi ah a famkim ih, cumi cun Khrih ih "lamzin", duhdawtnak lamzin, Pathian ih lamzin a zawhtu pawl hmuahhmuah hrangah dan cu a cemter zo a si.

Duhdawtnak cu khihhmuhnak men a silo, cucu Pathian ih thupek a siih, cui "lamzin" a zawh lo tu hmuahhmuah cun hmuitin mi an thelh ding a si. Khrih thisen in sual ihsin in tithiangfai theinak dingah eng ih tlangleng dingin fial kan si.

1 Johan 1:9
9 Kan sualnak pawl kan phuan a sile, kan sualnak pawl in ngaidam dingin le dingfel lonak hmuahhmuah ihsin in tithiangfai dingin anih cu mi rinum le mi fel a si.

[9.110]

Kan unau duhdawtnak tel loin eng ih tlanlen a theih lo.

1 Johan 2:8-11
8 Nan hnenah thupek thar ka ngan sal, cucu amah ah le nanmah ah a dik a si: ziangahtile thim cu a liam ih, eng taktak cu tu ah a eng.
9 Eng ah ka um ti siih, a unau a huatu cu, thim ah tu tiang a um a si.
10 A unau a duhdawttu cu eng ah a um ih, amah ah tluknak ding hrimhrim a um lo.
11 A sinan a unau a huatu cu thim ah a um ih, thim lakah a feh, cun, cui thim in a mit a cawtter ruangah, khuiah a feh ti a thei lo.

[9.111]

Pathian ih fate kan si vekin, kannih cu kan nun "dan" le duhdawtnak in kan sinak a langter.

1 Johan 3:10-11
10 Himi ah Pathian fate pawl le khawse fate pawl an langfiang: zokhal dingfelnak a tuah lotu cu Pathian ta a silo, a unau a duhdawt lotu khal Pathian ta a silo.
11 Ziangahtile a tir ihsin nan rak theih mi thu cu hihi a si, pakhat le pakhat duhdawt aw ding kan si, ti hi.

[9.112]

Ka lawng men si loin, a taktak ih unau duhdawtnak kan neih lo a si ahcun kumkhua nunnak co dingah ruahsannak kan nei lo a si.

1 Johan 3:14-18
14 Unau pawl kan duhdawt ruangah, thihnak ihsin nunnak ah kan tankai zo ti kan thei. A unau a duhdawt lotu cu thihnak ah a um a si.
15 Mi zokhal a unau a huatu cu laithat a si: cun laithattu zohman in kumkhaw nunnak amah ah hmun ringring in a nei lo ti nan thei.
16 Himi hin Pathian ih duhdawtnak kan thei, a nunnak kan hrangih a liam ruangah: cutin kannih khalin unau pawl hrangah kan nunnak liam ve ding kan si.
17 A sinan zokhal hi leitlun thilri nei in, tlaksamnak nei a unau a hmu ih, a parih a lainatnak a kharpit tu cu, amah ah Pathian duhdawtnak cu ziangtin so a um thei ding?
18 Ka fa le te tla, thu lawng in, le lei lawng men in duhdawt aw hlah uhsi; tuahnak in le thutak sawn in duhdawt aw uhsi.

Jeim 2:14-17
14 Ka u le nau tla, mi pakhat in rinnak ka nei ti khal sehla, tuahnak a neih lo ahcun, ziang a thahnem? cuvek rinnak cun amah a rundam thei ding maw?
15 Unau pa a si lole unau nu cu taklawng ih um in, nitin rawl tlasam in um sehla,
16 Cun nan lakih pakhat in an hnenah, Hnangam ten feh uhla, hlum le puarin um uh, ti sehla, cui taksa hrangih thil tul pawl nan pek si lo ahcun, ziang a thahnem?
17 Cutivek thotho in rinnak khal, tuahnak nei loin, amah lawng a um ahcun, a thi a si.

A tawi zawng cun, kannih cu Khrih kan zumnak le pakhat le pakhat kan duhdawt awknak in rundam kan si.

1 Johan 4:7-12
7 Duhdawt mi tla, pakhat le pakhat duhdawt aw ton uhsi: ziangahtile duhdawtnak cu Pathian ihta a si; cun zokhal mi a duhdawt tu pohpoh cu Pathian ih hrin mi a siih, Pathian a thei.
8 Mi a duhdawt lotu cun Pathian a thei lo; ziangahtile Pathian cu duhdawtnak a si.
9 Himi ah Pathian duhdawtnak cu kan lamah a lang, ziangahtile amai zarih kan nun theinak dingah, Pathian in a Fapa neihsun leitlun ah a run thlah.
10 Himi ahhin duhdawtnak a um, kanmah in Pathian kan rak duhdawt si loin, amah sawnin in duhdawt ih, kan sualnak pawl hrangih thuphacawinak dingah a Fapa a run thlah a si.
11 Duhdawt mi tla, Pathian in cutlukin in duhdawt a si ahcun, kannih khal pakhat le pakhat duhdawtaw ding kan si.
12 Zohman in ziangtik khalah Pathian an hmu dah lo. Pakhat le pakhat kan duhdawt awk a sile, Pathian cu kanmah ah a um ih, a duhdawtnak cu kanmah ah tifamkim in a um a si.

1 Johan 4:16-21
16 Cun Pathian in kan parih duhdawtnak a neih mi cu kan thei ih, kan zum. Pathian cu duhdawtnak a si; duhdawtnak ih umtu cu Pathian ah a um ih, Pathian khal amah ah a um a si.
17 Himi ah kan duhdawtnak cu a famkim a si, thuthennak ni ih ralthatnak kan neih theinak dingah: ziangahtile amai um dan vekin kannih khal hi leitlun ah kan um a si.
18 Duhdawtnak ahcun tihnak hrimhrim a um lo: duhdawtnak famkim cun tihnak a hlawnhlo sawn theu a si: tihnak cun hremnak a neih ruangah. Zokhal a tihtu cu duhdawtnak ah a famkim lo a si.
19 Anih cu, in duhdawt hmaisat ruangah, kan duhdawt.
20 Mi pakhat in, Pathian ka duhdawt, ti si in, a unau a hua a si ahcun, cu pa cu thuphanper a si: ziangahtile a hmuh mi a unau hman duhdawt lotu cun, a hmuh lo mi Pathian cu ziangtin a duhdawt thei ding?
21 Cun amai hnen ihta hi thupek hi kan nei, Pathian a duhdawttu cun a unau khal a duhdawt ding a si, ti hi.

Netabik Thuruahnak

[9.113]

Hi ca a siartu mi thenkhat hrang ahcun thupek pahra hi dingfelnak nun hrangih lamhruaitu si nawn lo ding cu thil harsazet a si ko ding. Dan thar cu kan thinlung parah ngan a si zo ih, Thlarau Thianghlim in kan sia le tha theihnak ah a run thlen zo a si. Duhdawtnak in dan a ti famkim ih cu mi ih kan um fetfet a tul. Dan thlunnak in thiam kan co thei lo. Thudik cu, cui dan kan thlun thei lo ti hi kan zirh zo ih, Khrih zarah kan bawhsiatnak pawl ihsin A zangfahnak in in rundamtu, Pa ih duhdawtnak tel lo cun zianghman beisei ding nei loin kan hlo thla a si. Cui dan pawk dingih mi fial rero tu pawl hrangah, ruahnak netabik pakhat ka lo pe duh unau, dan ih leiba a nei mi kan si nawn lo, kan hrangih A nunnak a liamtu, Khrih ah leiba a nei mi kan si. Dan cu kan nunnak hrangih lamhruaitu a si nawn lo, Khrih sawn hi a si.

Galati 5:4
4 Nan lakih mi zokhal dan ihsi thiam co tum tupawl cu Khrih thawn nan then aw a si; zangfahnak cu nan tluk san zo.

1 Piter 4:8 NKJV
8 Cun thil dang hmuahhmuah hnakin nan lakah duhdawtnak nasatak nei uh: ziangahtile duhdawtnak cun sual tampi a khuh a si.

[9.114]

Duhdawtnak in sual tampi a khuh a si ahcun, thuk thei patawpin sualpawl cu phum uhsi, tek theih lo khawp, supaw loin, thleidannak um loin duhdawt aw uhsi; Pathian ih ral kan rak si dah ti kha cingin, kan ralpawl khal hi duhdawt uhsi. Hi mi kan tuah a si le, khui daan saw kan thlun lo mi um nawn?